Bilongwa bya Mafuku Umbajinji

7 Ino bana ba Isakala i Tola, Pua, Yashuba, ne Shimelona+—baná. 2 Bana ba Tola i Uzi, Lefaia, Yediele, Yahamai, Ibisama, ne Shemwele, mitwe ya mobo a bashabo. Kudi Tola kwatambile ba bulwi bakomokomo, buvule bwabo mu mafuku a Davida i bantu 22 600. 3 Lutundu lwa* Uzi i Izelahia kadi bana ba Izelahia i: Mikaele, Obadia, Yoela, ne Ishia—bonso batano badi bamfumu.* 4 Kadi abo, mwendele ntundu yabo, mungya mobo a bashabo, badi na basola 36 000 mu kibumbo kyabo kya divita kilongolole kukalwa, mwanda badi na bakaji ne bana bavule. 5 Banababo ba mu mafu onso a Isakala badi ba bulwi bakomokomo 87 000 mobalembelwe mungya misuku yabo.+

6 Bana ba Benjemani+ i Bela,+ Bekela,+ ne Yediaele+—basatu. 7 Kadi bana ba Bela i Ezebona, Uzi, Uziele, Yedimote, ne Idi—batano—mitwe ya mobo a bashabo, ba bulwi bakomokomo, kadi bantu 22 034 balembelwe mungya misuku yabo.+ 8 Kadi bana ba Bekela i Zemila, Yoashe, Ediezela, Edioenai, Omidi, Yelemote, Abidya, Anatote, ne Alemete—bonso bano badi bana ba Bekela. 9 Misuku yabo yobalembelwe’ko mwendele ntundu yabo mungya mitwe ya mobo a bashabo i ba bulwi bakomokomo 20 200. 10 Kadi bana ba Yediaele+ i Bidihani, bana ba Bidihani nabo i: Yeushi, Benjemani, Ehuda, Kenaana, Zetana, Talashishi, ne Ahishahala. 11 Bonso bano badi bana ba Yediaele, mungya mitwe ya bakulutuba babo, ba bulwi bakomokomo 17 200 beteakanye kutwela mu kibumbo kya divita mwanda wa kulwa.

12 Bene Shupimi ne bene Hupimi* badi bana ba Ile;+ bene Hushimi nabo badi bana ba Ahele.

13 Bana ba Nafatale+ bana-balume i Yaziela, Nguni, Yezela, ne Shalumu—lutundu lwa* Bidiha.+

14 Bana ba Manase+ i: Asediele, obamubutwidile kudi wandi mukaji wa pafula mwine Shidea. (Wabutwile Makile+ shandya Ngileade. 15 Makile wasongēle ba Hupimi ne Shupimi bakaji, dijina dya mwanabo mwana-mukaji i Maka.) Dijina dya wa bubidi i Zelofehade, ino Zelofehade+ wadi na bana bana-bakaji.+ 16 Maka, mukaja Makile, wabutwile mwana wamwinika bu Peleshe; kadi dijina dya mwanabo mwana-mulume i Sheleshi; ne bandi bana i Ulama ne Lekema. 17 Kadi mwanā* Ulama i Bedane. Bano bo bana ba Ngileade mwanā Makile mwanā Manase. 18 Mwanabo mwana-mukaji i Hamolekate. Wabutwile Ishihode, Abi-Ezele, ne Mahala. 19 Bana ba Shemida nabo i Ahiane, Shekema, Diki, ne Aniama.

20 Bana ba Efelaimi+ i Shutela,+ Belede wandi mwana, Tahate wandi mwana, Eleada wandi mwana, Tahate wandi mwana, 21 Zabada wandi mwana, Shutela wandi mwana, Ezelu, ne Eleade. Bantu ba Ngata+ babutwidilwe mu ntanda’ya bebatapile mwanda batūkile kukasela bimunanwa byabo. 22 Shabo Efelaimi wadidile madilo mu mafuku mavule, kadi banababo badi bāya’nka kwiya kumusenga. 23 Kupwa walāla na wandi mukaji, waimita ne kubutula wabutula mwana. Ino wamwinika bu Bedia* mwanda washikete mu njibo yandi mu byamalwa. 24 Kadi wandi mwana mwana-mukaji i Sheela, waubakile Bete-Holone wa Kunshi+ ne wa Kungala+ ne Uzene-Sheela. 25 Kadi kwadi ne Lefa wandi mwana, Leshefa, Tēla wandi mwana, Tahane wandi mwana, 26 Ladani wandi mwana, Amihuda wandi mwana, Edishama wandi mwana, 27 Nuna wandi mwana, ne Yoshua*+ wandi mwana.

28 Bifuko byobayete ne bīkalo byabo i Betele+ ne bibundi bidi mu bwendeji bwandi,* kadi kutunduka Nalane, kushika nako Ngezele ne bibundi bidi mu bwendeji bwandi, ne Shekema ne bibundi bidi mu bwendeji bwandi, kufika ne ku Aya* ne bibundi bidi mu bwendeji bwandi; 29 kubwipi na lutundu lwa Manase, Bete-Sheane+ ne bibundi bidi mu bwendeji bwandi, Tanake+ ne bibundi bidi mu bwendeji bwandi, Mekido+ ne bibundi bidi mu bwendeji bwandi, ne Dola+ ne bibundi bidi mu bwendeji bwandi. Muno mo mwashikete lutundu lwa Yosefa mwanā Isalela.

30 Bana ba Ashela bana-balume i Imanahi, Ishiva, Ishivi, ne Bedia,+ ne mwanabo mwana-mukaji Sela.+ 31 Bana ba Bedia bana-balume i Hebela ne Malekiele, shandya Bilezaite. 32 Hebela wabutula Yafeleta, Shomela, ne Hotama, ne Shua mwanabo mwana-mukaji. 33 Bana ba Yafeleta i Pasaka, Bimehala, ne Ashevate. Bano bo bana ba Yafeleta. 34 Bana ba Shemele* i Ahi, Loka, Yehuba, ne Alami. 35 Bana ba mwanabo Helema* i Zofa, Imina, Sheleshe, ne Amala. 36 Bana ba Zofa i Sua, Halenefele, Shuale, Bedi, Imela, 37 Bezele, Hoda, Shāma, Shilesha, Itelane, ne Beela. 38 Bana ba Yetele i Yefune, Pisepa, ne Ala. 39 Bana ba Ula i Alahe, Haniele, ne Dizia. 40 Bano bonso’ba i bana ba Ashela, mitwe ya mobo a bashabo, bana-balume batongwe, ba bulwi bakomokomo, mitwe ya bamfumu; buvule bwabo mobalembelwe mungya misuku yabo+ i bantu 26 000+ ba mu kibumbo kya divita kilongolole kukalwa.