Ñimbo ya Mitōto

144 Yehova, Dibwe+ dyami atendelwe,

Mwine ufundija makasa ami bulwi,

Ne minwe yami divita.+

 2 Aye i buswe bwami bwa ndamatyidile ne kifuko kyami kikomejibwe,

Kinyemeno kyami kya mutyima-ntenke* ne mukūdi wami,

Ngabo yami kadi mudi Aye e momfyeme,+

Mwine unekenya bantu munshi mwami.+

 3 A Yehova, le muntu i waka amba umuyuke,

Mwanā muntu wa kufwa amba umute mutyima?+

 4 Muntu wifwene umpuya wa bitupu;+

Mafuku andi adi pamo bwa munjiñininya upita.+

 5 A Yehova, tūkija* madiulu obe utūke;+

Tenga ngulu wiifitule mwishi.+

 6 Peneja mapeni upalakanye balwana;+

Sobola miketo yobe wibele mu kavutakanya.+

 7 Olola maboko obe abe mūlu;

Nkūle ne kumpandija ku mema atūta,

Ku kuboko kwa* beni,+

 8 Ba byakanwa binena bya bubela

Kadi batulula kuboko kwabo kwa lundyo mwanda wa kutyipa bya bubela.*

Nkakwimbilanga mitendelo,* pamo na kyombanwa kya myonji dikumi,

10 Mwine upa balopwe bushindañani,*+

Mwine ukūla mwingidi wandi Davida ku kipete kya lufu.+

11 Nkūle ne kumpandija ku kuboko kwa beni,

Ba byakanwa binena bya bubela

Kadi batulula kuboko kwabo kwa lundyo mwanda wa kutyipa bya bubela.

12 Penepo betu bana bana-balume bakekala pamo bwa mityi myana itama bukidibukidi,

Betu bana bana-bakaji nabo pamo bwa bikomo bya mu difinko bisōngēlwe njibo mikatakata.

13 Bibīko byetu bikayulanga byangulwa bya miswelo yonso;

Luombe lwetu lwa mu ntanda lukevudija misunsa tununu, ne makumi a tununu.

14 Bañombe betu, balēmenenwe na bana, kebakesanshijapo* nansha kupulumuna;

Kekukekalapo kudila kwa tusua mu bīkwe byetu.