Ñimbo ya Mitōto
Mashikile.* Lwimbo lwa Etana+ mwine Zela.
89 Nkembilanga nyeke bilongwa bya Yehova bya buswe bwa ndamatyidile.
Na kyakanwa kyami nkayukanyanga bubinebine bobe ku nkongo yonso.
2 Mwanda nanena’mba: “Buswe bwa ndamatyidile bukemana pototo* nyeke,+
Kadi ubakomeja pototo bubinebine bobe mu madiulu.”
4 ‘Nkakomejanga pototo lutundu*+ lobe nyeke,
Kadi nkashimikanga lupona lobe ku nkongo yonso.’”+ (Sela)
5 Madiulu atendelanga bya kwanwa byobe, a Yehova,
Bine, bubinebine bobe mu kipwilo kya bajila bobe.
6 Mwanda, i ani mūlu udingakene na Yehova?+
I ani le mu bana ba Leza+ udi pamo bwa Yehova?
8 A Yehova Leza wa bibumbo,
Le i ani nkomokomo pamo bwa abe, a Yah?+
Bubinebine bobe bukujokolokele.+
10 Ubavingakanya Lehaba+ pamo bwa muntu mutapibwe.+
Na kuboko kobe kwa bukomo ubapalakanya balwana nobe.+
12 Kungala ne kunshi—i abe wapangile’ko;
Lūlu lwa Tabola+ ne lwa Helemone+ lutendelanga dijina dyobe na nsangaji.
13 Kuboko kobe kudi na bukomokomo;+
Dikasa dyobe didi na bukomo;+
Dikasa dyobe dya lundyo i dizunzulwe.+
14 Boloke ne bululame i kyalwilo kya lupona lobe;+
Buswe bwa ndamatyidile ne bubinebine bimene ku meso obe.+
15 Ba nsangaji i bantu bela nsadi ya tusepo.+
A Yehova, abo bendanga mu kitōkeji kya mpala yobe.
16 Basangelanga mu dijina dyobe difuku dyonso dituntulu,
Kadi i bazunzulwe mu boloke bobe.
18 Mwanda ngabo yetu i ya Yehova,
Kadi mulopwe wetu i wa Mwine Ujila wa Isalela.+
19 Mu kine kitatyi’kya wesambile na bantu bobe ba lulamato mu kimonwa’mba:
21 Dikasa dyami dikamukwashanga,+
Kadi kuboko kwami kukamukomejanga.
22 I kutupu walwana ukamulomba mulambu,
Kadi i kutupu mukondame ukamumwesha malwa.+
24 Bubinebine bwami ne buswe bwami bwa ndamatyidile budi nandi,+
Kadi bukomo* bwandi bukazunzulwanga mu dijina dyami.
26 Ukangitanga’mba: ‘Abe wi Tata wami,
Leza wami kadi Dibwe dya lupandilo lwami.’+
28 Nkalamanga nyeke buswe bwami bwa ndamatyidile kwadi,+
Ne kipwano kyompwene nandi kekikatyibikapo nansha dimo.+
30 Shi bandi bana abaleka bijila byami
Ne kwenda mwendele mbila yami* mpika,
31 Shi abajilula bijila byami
Ne kulama misoñanya yami mpika,
32 Nabya nkebapa mfuto na lusonde pa mwanda wa kubulwa kikōkeji*+
Ne kilubo kyabo na bikupilwa.
33 Ino nkikalekapo nansha dimo buswe bwami bwa ndamatyidile bomusenswe+
Nansha kwikala wa bubela pa mulao wami.*
35 Natyipe mu buujila bwami, dimo kupwididile;
Nkikabepelapo Davida bubela.+
37 Pamo bwa kweji, lukakomejibwa nyeke pototo
Pamo bwa kamoni wa binebine mūlu.” (Sela)
38 Ino abe mwine ubamwela ne kumupela;+
Ubakalabela bya mwiko mushingwe māni obe.
39 Ubapele kipwano na mwingidi obe;
Ubakobakanya kilukwa kyandi* na kwela’kyo pa nshi.
40 Ubapomona mumbu yandi* yonso ya mabwe;
Ubasala nsakwa yandi.
41 Bapityeshinda bonso abamutūta;
Aye i mutonko ku balondakani nandi.+
43 Ubaaluja ne kipete kyandi,
Kadi ubamulengeja anekenibwe mu bulwi.
44 Ubafudija buya bwandi bwa dyangi
Kadi ubaela lupona lwandi pa nshi.
45 Ubaipipija mafuku a bunkasampe bwandi;
Ubamuvwika bumvu. (Sela)
46 A Yehova, le ukefya kufika ne kitatyi’ka? Le i nyeke?+
Lelo bukalabale bobe bukendelela kwaka pamo bwa mudilo?
47 Vuluka mwipipile būmi bwami!+
Lelo wapangile bantu bonso bitupu’tu?
48 Lelo i muntu’ka ubwanya kwikala mūmi ne kumona lufu mpika?+
Le ubwanya kwipandija aye mwine* ku bukomo bwa Kibundu?* (Sela)
49 A Yehova, le bilongwa byobe bya kala bya buswe bwa ndamatyidile bidi kwepi,
Byowatyipīle Davida mu bubinebine bobe?+
50 A Yehova, vuluka kukolomona kobakolomona bengidi bobe;
Muswelo omfwaninwe kūminina* lonji lwa bano bantu bonso;
51 Muswelo utukana balwana nobe, a Yehova;
Mobatukila ditabula ne ditabula dya mushingwe māni obe.
52 Yehova atendelwe nyeke. Amena ne Amena.+