Ñimbo ya Mitōto
Lwimbo lwa Davida.
29 Pai Yehova kyokya kimufwaninwe, banwe bana ba bantu bakomokomo,
Pai Yehova kyokya kimufwaninwe mwanda wa ntumbo ne bukomo bwandi.+
2 Pai Yehova ntumbo ifwaninwe dijina dyandi.
Mwivukwilei kudi* Yehova koku muvwele bivwalwa bya dyangi bijila.*
3 Diwi dya Yehova divwanikwanga peulu pa mema;
Leza wa ntumbo ukungulanga.+
Yehova udi peulu pa mema mangi.+
4 Diwi dya Yehova didi na bukomo;+
Diwi dya Yehova i dya buya bwa dyangi.
5 Diwi dya Yehova dityumunanga mityi ya sedele;
En-en, Yehova uvingakanyanga mityi ya sedele ya Lebanona.+
7 Diwi dya Yehova didyemukanga mimbi ya mudilo;+
8 Diwi dya Yehova ditetemejanga mu ntanda mutuputupu;+
Yehova utetemejanga mu ntanda mutuputupu ya Kadesha.+
9 Diwi dya Yehova ditetemejanga kasha ne kwikabutwija
Kadi dipululanga mató.+
Ne bonso ba mu tempelo yandi kebanena’mba: “Ntumbo!”
10 Yehova ushikete pa lupona pangala pa mema a dilobe;*+
Yehova ushikete pa lupona bu Mulopwe nyeke.+
11 Yehova ukapa bantu bandi bukomo.+
Yehova ukesela bantu bandi na ndoe.+