Ñimbo ya Mitōto
Kudi mukulu wa bañomba. Lwimbo lwa Davida.
139 A Yehova, ubamandaula, kadi ubandyuka.+
2 Uyukile kitatyi kyonshikata ne kitatyi kyoñimana.+
Ujingulwilanga milangwe yami kulampe.+
5 Unjokolokele kunyuma ne kumeso;
Kadi ubantenteka kuboko kobe.
6 Buno i buyuki bonkibwanyapo kwivwanija.*
Budi peulu bininge ponkibwanyapo kupetelwa.*+
7 Le i kwepi kombwanya kufyama mushipiditu obe,
Ne i kwepi kombwanya kunyema mpala yobe?+
9 Shi ntumbuke na mapapa a lubanga futwi
Kukekala ku dijiba dya kulampe,
10 Ne kwako kwine kuboko kobe kukañendeja
Kadi kuboko kobe kwa lundyo kukankwata.+
11 Shi nene amba: “Bine fukutu ikamfya!”
Nabya bufuku bunjokolokele bukekala ke kitōkeji.
12 Nansha ke fukutu mine keikafītapo bininge kodi,
Ino bufuku bukakela pamo’nka bwa dyuba;+
Fukutu idi pamo bwa kitōkeji kodi.+
14 Nakutendela mwanda ne mulongwe bya kutendelwa mu muswelo ulenga nzuba.+
16 Meso obe aumwene enka ne ponadi kabale;
Bipindi byako byonso byalembelwe mu mukanda obe
Mwanda wa mafuku obyalongelwe,
Kumeso kwa kipindi kyabyo nansha kimo kwikala’ko.
17 Bine, milangwe yobe i ya bulēme kondi!+
A Leza, bungi bwayo i bukatampe’po kashā!+
18 Shi ntompe kubala’yo, i mingi kutabuka musenga.+
Kitatyi kyombūka, ngidi’nka nobe.*+
19 A Leza, shi watapile’tu babi!+
Longa bantu ba lūma* ke bansonsoloke,
20 Boba bakunenena bibi na milangwe mibi;*
I balwana nobe bengidija dijina dyobe mu muswelo wampikwa kwendela’mo.+
22 Nebashikilwe bibi;+
Abaikala ke balwana nami ba bine.