Ñimbo ya Mitōto
118 Fwijai’ko Yehova, mwanda i muyampe;+
Buswe bwandi bwa ndamatyidile bulādilanga nyeke.
2 Pano Isalela anene amba:
“Buswe bwandi bwa ndamatyidile bulādilanga nyeke.”
3 Boba ba mu njibo ya Alone banene amba:
“Buswe bwandi bwa ndamatyidile bulādilanga nyeke.”
4 Boba batyina Yehova nabo banene amba:
“Buswe bwandi bwa ndamatyidile bulādilanga nyeke.”
6 Yehova udi ku wami mutamba; nkikakwatwapo moyo.+
Le muntu ubwanya kunonga kika?+
8 I kipite buya kunyemena mudi Yehova
Kupita’ko kukulupila bantu.+
9 I kipite buya kunyemena mudi Yehova
Kupita’ko kukulupila bamfumu.+
11 Baunjokolokele, bine, nadi mujokolokwe ami ense,
Ino mu dijina dya Yehova,
Nebapangila kulampe.
12 Baunjokolokele pamo bwa nyuki,
Ino babudile bukidibukidi pamo bwa mudilo mu miba.
Mu dijina dya Yehova,
Nebapangila kulampe.+
13 Bantakikile bibibibi* amba mpone,
Ino Yehova waunkwasha.
14 Yah i mwemba wami ne bukomo bwami,
Kadi waikala ke lupandilo lwami.+
15 Diwi dya nsangaji ne lupandilo*
Didi mu mapema a bantu boloke.
Kuboko kwa lundyo kwa Yehova kulombolanga bukomo bwako.+
16 Kuboko kwa lundyo kwa Yehova kwizunzulanga;
Kuboko kwa lundyo kwa Yehova kulombolanga bukomo bwako.+
17 Amiwa nkikafupo, aa, nkekalanga mūmi,
Mwanda wa kusapula mingilo ya Yah.+
19 Nshitwilei bibelo bya boloke;+
Nkatwelanga’mo kentendela Yah.
20 Kino’ki i kibelo kya Yehova.
Boloke bakatwelela’po.+
21 Nkakutendelanga, mwanda waunondolwele+
Kadi waikele lupandilo lwami.
24 Dino’di i difuku dilongele Yehova;
Tukasangalanga ne kusepelela’mo.
25 A Yehova, witupandije’po, tubakwisāshila!
A Yehova, witupe’po bushindañani!
27 Yehova i Leza;
Wetupe kitōkeji.+
28 Abe wi Leza wami, kadi nkakutendelanga;
Leza wami, nkakuzunzulanga.+