Ñimbo ya Mitōto
Kudi mukulu wa bañomba. Lwimbo lwa bana ba Kola.+
49 Ivwanai kino, banwe bantu bonso.
Tai mutyima, banwe bekadi bonso ba ntanda,*
2 Ne batyetye ne bakatampe,*
Bampeta ne balanda bene kumo.
3 Kyakanwa kyami kikesamba tunangu,
Kulanguluka kwa mutyima+ wami kukalombola ñeni.
4 Nkatanga mutyima ku lukindi lumo;
Nkashintulula lutyonko lwami na lunsense.
5 I kika kyontyinina mu bitatyi bya makambakano,+
Kitatyi kyonjokolokwa na bibi* bya boba bakimba kunshinda?
6 Boba bakulupile bupeta bwabo+
Ne kwianinya bupeta bwabo bukatampe,+
7 I kutupu nansha umo umbukata mwabo ubwanya kukūla mwanabo
Nansha kupa Leza kinkūlwa pa mwanda wandi,+
8 (Lupoto lwa kinkūlwa* kya būmi bwabo* i lulēme mpata
Kebabwanyapo kufikila’po nansha dimo);
10 Aye umonanga’mba enka ne bantu ba tunangu bene bafwanga;
Babivila ne bampikwa ñeni bonekanga pamo,+
Kadi bashilanga bakwabo bupeta bwabo.+
11 Byobasaka munda mwabo i mobo abo alādile nyeke,
Mapema abo ku nkongo ne nkongo.
Abainika matanda abo majina abo.
13 Dino’di dyo dishinda dya babivila+
Ne dya boba bebalonda, basangela binenwa byabo bya bitupu. (Sela)
14 Abo i batumwe ku Kibundu* pamo bwa mikōko.
Lufu lukebakumba;
Boloke swā bakebabikala+ lubanga.
Kikoka kyabo kyonso kikajimankana;+
Kibundu*+ kikekala ke kīkalo kyabo pa kyaba kya njibo mikatakata.+
16 Kokakwatwa moyo mwanda wa muntu wapeta,
Mwanda wa buya bwa dyangi bwa njibo yandi bwelundila’ko,
17 Mwanda shi wafu kabwanyapo kusela kintu nansha kimo;+
Buya bwandi bwa dyangi kebukatūkapo nandi pamo.+
18 Mwanda pakidi mūmi witendelanga aye mwine.*+
(Bantu bakutendelanga shi ubamone biyampe.)+
19 Ino ku mfulo welunga ku lukongo lwa bakulutuba bandi.
Kebakamonepo monka kitōkeji nansha dimo.
20 Yewa muntu kevwanijepo kino’ki, nansha shi i mulēmekibwe,+
Kapityilepo banyema bafwanga.