Ñimbo ya Mitōto
Kudi mukulu wa bañomba. Lwimbo lwa Davida.
140 A Yehova, nkūle ku bantu babi;
Nkinge ku bantu ba lūma,+
2 Boba bakuta nkuku mibi mu mityima yabo+
Ne boba bakolomona bulwi dyuba dyonso.
5 Boba bezunzula abaumfi kidiba;
Abatamuna bukonde na myonji kufula kwa kashinda.+
Abante makinga.+ (Sela)
6 Nanena Yehova amba: “Abe wi Leza wami.
A Yehova, ivwana kulomba konomba bukwashi.”+
7 A Yehova Mfumu Mwinē Lupusa Lonso, Umpandiji wami mukomokomo,
Ubakinge mutwe wami mu difuku dya bulwi.+
8 A Yehova, kokapa babi byobasakasaka.
Kokaleka bitumba byabo byendeke, kutyina’mba bakezunzula.+ (Sela)
9 Mitwe ya boba banjokolokele
Ipūtwe na bibi bīsamba milomo yabo.+
10 Makala a mudilo ebanokele.+
11 Vubavuba kakimona kifuko pa ntanda.+
Bibi bilondelonde bantu ba lūma ne kwibepaya.
12 Ndyukile amba Yehova ukanenena mupēlulwe
Ne kubingija balanda.+
13 Bine, boloke bakafwijanga’ko dijina dyobe;
Boloke swā bakekalanga ku meso obe.+