Yoba
18 Biledade+ mwine Shuha walondolola kanena’mba:
2 “Lelo i kitatyi’ka kyomukaleka kunena binenwa bya uno muswelo?
Ikalai na ñeni amba netu twisambe.
4 Nansha shi wisasamune abe mwine* bipindibipindi mu bulobo bobe,
Lelo ntanda ikalekwa pa mwanda obe’ni,
Nansha’ko dibwe dikatunduluka pa kifuko kyadyo?
5 Bine, kitōkeji kya mubi kikabula,
Kadi lubimbi lwa mudilo wandi kelukakelapo.+
6 Kitōkeji kya mu pema wandi bine kikafīta,
Kadi kinanu kya peulu pandi kikabula.
7 Matabula andi a bunkanka abaipipa,
Kadi madingi andi akamuponeja aye mwine.+
8 Mwanda maulu andi akamutwala mu bukonde,
Kadi ukalumbakena mu meso abo.
9 Kidiba kikamukwata ku kapondo;
Kadi dikinga dikamukwatanga.+
10 I bamufye monji pa nshi,
Kadi kidiba kilēle mu kashinda kandi.
11 Luzakalo lubamutuyula mitamba yonso+
Ne kumulonda lubilo ku maulu andi.
13 Kikoba kyandi kibadibwa;
Misongo ya lufu* ibadididila bidyoma byandi.
16 Miji yandi ikōma munshi mwandi,
Kadi misambo yandi ikafumba peulu pandi.
17 Kivulukilo kyandi kikajimankana pa ntanda,
Kadi dijina dyandi kedikayukanapo* mu kipito.
18 Ukatalulwa ku kitōkeji ne kutwejibwa mu fukutu
Kadi ukapangwa mu ntanda ya bumeni.
19 Kakekalapo na lutundu ne bana mu bantu bandi,
Kadi kakekalapo na muntu ushele mūmi mu kifuko kyashikete’mo.*
20 Difuku dyandi pa kufika, bantu ba Kushika bakatulumuka
Kadi bantu ba Kutunduka nabo bakakwatwa nzuba.
21 Kino kyo kifikilanga mapema a nonga-bibi
Ne kifuko kya yewa kayukilepo Leza.”