Ñimbo ya Mitōto
Kudi mukulu wa bañomba; pa Ngityite.* Lwimbo lwa Davida.
8 A Yehova Mfumwetu, bine dijina dyobe i dikatampe pa ntanda yonsololo;
2 Na bitamba mu kyakanwa kya bana batyetye+ ne bana ba lukeke ubaningisha bukomo
Pa mwanda wa balwana nobe,
Kūbija talala walwana ne yewa ulubula kinongo.
3 Ami pomonanga madiulu obe, mingilo ya minwe yobe,
Kweji ne ñenyenye byoteakenye,+
4 Lelo muntu wa kufwa nandi i waka amba umulange,
Ne mwanā muntu amba umute mutyima?+
5 Abe wamutūkije munshi mwa boba badi bwa Leza,*
Kadi wamuvwika kilukwa kya ntumbo ne buya bwa dyangi.
6 Wamupēle abikale pa mingilo ya makasa obe;+
Watūla bintu byonso munshi mwa maulu andi:
7 Mikōko ne bañombe bonso,
Pamo ne banyema ba ntanda,+
8 Byoni bya mūlu ne mwita wa mu dijiba,
Byonso bipita mu tushinda twa mu majiba.
9 A Yehova Mfumwetu, bine dijina dyobe i dikatampe pa ntanda yonsololo!