Ñimbo ya Mitōto
Lwimbo lwa bulanda* lobaimbīle Yehova kudi Davida pa binenwa bya Kusha mwine Benjemani.
7 A Yehova Leza wami, mudi abe ye monanyemena.+
Mpandije ku boba bonso bampangapanga, unkūle.+
2 Shi bitupu basa kunsasamuna* bipindibipindi pamo bwa ntambo,+
Kunsela kwampikwa ne wa kunkūla mwine.
3 A Yehova Leza wami, shi ne mulube mu kino,
Shi ne mulonge bintu na bukondame,
4 Shi ne mulubile muntu unongelanga biyampe,+
Nansha shi ne mutūte walwana nami pampikwa mwanda,*
5 Nankyo walwana anondelonde ne kumpeta;*
Atyimpile būmi bwami panshi pa ntanda
Kadi onakanye ntumbo yami mu luvumbi. (Sela)
6 A Yehova, imana na bulobo bobe;
Talukila balwana nami na bukalabale;+
Languka pa mwanda wami, kadi lomba batyibe mambo.+
7 Mizo ikujokoloke;
Kadi ukebalonga bibi tamba kwako kūlu.
8 Yehova ukatyibila bantu nsambu.+
A Yehova, ntyibile mambo mwendele boloke bwami
Ne mwendele bululame bwami.+
9 Nakwisāshila, fudija bilongwa bibi bya babi.
Ino kwasha muntu moloke,+
Mwanda abe wi Leza moloke+ ubandaulanga mityima+ ne milangwe ya mundamunda.*+
10 Leza i ngabo yami,+ Umpandiji wa boba boloke swā mu mutyima.+
12 Shi muntu kesāshilepo,+ Aye unonanga kipete kyandi;+
Ukananga buta bwandi bwa miketo ne kwibuteakanya.+
13 Ulongololanga byabulwi byandi bya lufu;
Uteakanyanga miketo yandi ya mudilo.+
14 Tala yewa wimite bubi;
Waimita makambakano ne kubutula bubela.+
15 Ukolanga kīna ne kwikilepeja,
Ino uponenanga mu kīna kyalongele aye mwine.+
16 Makambakano aleta akajokela pa mutwe wandi;+
Butomboki bwandi bukaponena pa nsongo ya mutwe wandi.