Kupituluka mu Bijila
2 “Penepo twaalamuka ketwenda mu ntanda mutuputupu dya ku dishinda dya ku Dijiba Dityila, monka mwanombwedile Yehova,+ twaenda lwendo lwa mafuku mangi tujokoloka Lūlu lwa Seila. 2 Kupwa Yehova waunena’mba, 3 ‘Mubajokoloka luno lūlu kyaba kilampe. Pano alamukilai kungala. 4 Kadi soñanya bantu namino amba: “Musa kupityila ku mukalañano wa banabenu, lutundu lwa Esau,+ bekalanga mu Seila,+ bakemukwatwa moyo,+ nenu mufwaninwe kutadija. 5 Kemwakalwai nabo,* mwanda nkikemupepo ntanda yabo nansha imo, nansha kakifuko kanyantwa’po lwayo kene, mwanda Lūlu lwa Seila nape’lo Esau ke lwandi.+ 6 Mufwaninwe kwibapa lupeto mwanda wa byakudya byomukadya, ne kwibafuta mwanda wa mema omukatoma.+ 7 Mwanda Yehova Leza wenu wemwesele mu byonso byomwalongele. Aye uyukile senene lwendo lwenu muno mu ntanda mutuputupu mikatampe. Mu ino myaka 40 Yehova Leza wenu wadi nenu, kadi kemwabudilwepo kintu nansha kimo.”’+ 8 Penepo twapityila kubwipi na banabetu, lutundu lwa Esau,+ bekele mu Seila, dya kulampe na dishinda dya Alaba, Elate ne Eziona-Kebele.+
“Kupwa twaalamuka ketwenda dya ku dishinda dya mu ntanda mutuputupu ya Moabu.+ 9 Ebiya Yehova waunena’mba, ‘Kokilwa divita na Moabu, mwanda nkikakupepo ntanda yandi nansha imo bu kintu kyobe ke-pantu napēne Ale ku lutundu lwa Lota+ bu kintu kyabo. 10 (Bene Emimu+ badi bashikatanga kwine’kwa dibajinji, bantu bakatampe, bangi kadi balampe bwa bene Anaki. 11 Bene Lefaime+ nabo badi bamonwa bwa bene Anaki,+ bene Moabu badi bebeta bu bene Emimu. 12 Pa kala, bene Hodi+ badi bekala mu Seila, ino lutundu lwa Esau lwebayata’ye ne kwibatukija fututu, bashikata mu kifuko kyabo,+ monka mukalongela Isalela ntanda yabo, isa kwibapa Yehova binebine.) 13 Pano endai mukabuke Musanza* wa Zelede.’ Penepa twaabuka Musanza* wa Zelede.+ 14 Kitatyi kyotwalongele pa kutamba ku Kadesha-Balenea kufika ne potwaabukile Musanza* wa Zelede i myaka 38, enka ne byakubile lukongo lonso lwa bantu ba divita mu nkambi, monka mwebatyipile’kyo Yehova.+ 15 Kuboko kwa Yehova kwalwile nabo mwanda wa kwibafundula mu nkambi enka ne byobakubile.+
16 “Bana-balume bonso ba divita pa kufwa mu bukata mwa bantu,+ 17 Yehova wesamba nami monka’mba, 18 ‘Dyalelo usa kupityila mu ntanda ya Moabu, ko kunena’mba Ale. 19 Shi ubafika kubwipi na bene Amone, kokebatamba nansha kwibakolomona, mwanda nkikakupepo ntanda ya bene Amone nansha imo bu kintu kyobe, ke-pantu napele’yo lutundu lwa Lota bu kintu kyabo.+ 20 Ino nayo yadi imonwa bu ntanda ya bene Lefaime.+ (Bene Lefaime badi bashikete’mo dibajinji, kadi bene Amone badi bebeta bu bene Zamazumimi. 21 Badi bantu bakatampe, bangi kadi balampe bwa bene Anaki;+ ino Yehova webatukija fututu ku meso a bene Amone, bene bano’ba bebapangile bashikata pa kifuko kyabo. 22 Byo byawalongēle ne lutundu lwa Esau, lwikele pano mu Seila,+ paatukije fututu bene Hodi+ ku meso abo, amba bebayate ntanda yabo bekale’mo ne dyalelo dino’di. 23 Ino bene Avime, badi bekele mu bīkalo bikafike ne ku Ngaza,+ enka ne byobebatukije fututu kudi bene Kafetodime,+ batambile ku Kafetola,* bashikata mu kifuko kyabo.)
24 “‘Talukai, kabukei Musanza wa Alenona.*+ Talai, nemupe mu kuboko kwenu Shihone+ mwine Amole, mulopwe wa Heshebone. Yatai ntanda yandi, mulwe nandi divita. 25 Dyalelo dino’di nsa kwanza kutūla kityino ne moyo wenu pa bantu bonso badi munshi mwa diulu bevwana yenu myanda. Bakavutakanibwa ne kuzakala* pa mwanda wenu.’+
26 “Penepo natuma mikendi kutamba mu ntanda mutuputupu ya Kedemote+ yende kudi Mulopwe Shihone wa Heshebone, na bino binenwa bya ndoe+ amba, 27 ‘Ndeke mpite mu yobe ntanda. Nkekala enka mu dishinda, nkikalamukilapo ku lundyo nansha ku lunkuso.+ 28 Nkadya enka byakudya byokampoteja ne kutoma enka mema okampoteja. Abe ndeke’tu mpite lwa nshi 29 —byo byanongele ne lutundu lwa Esau lwikele mu Seila ne bene Moabu bekele mu Ale—enka ne byonaabukile Yodano natwela mu ntanda yetupele Yehova Leza wetu.’ 30 Ino Shihone mulopwe wa Heshebone ketulekelepo tupite, mwanda Yehova Leza wetu walekele mushipiditu wandi ūme+ kadi mutyima wandi nao wauma, amba akupe’ye mu kuboko kobe na mobikadile dyalelo.+
31 “Penepo Yehova waunena’mba, ‘Tala, kendi mushilule kukupa Shihone ne ntanda yandi. Anza kuyata ntanda yandi ke yobe.’+ 32 Shihone pa kutamba na bantu bandi bonso kwitusambakana na bulwi ku Yahaza,+ 33 Yehova Leza wetu wetupa’ye, twamunekenya, aye ne bandi bana, ne bantu bandi bonso. 34 Twakwata bibundi byandi byonso mu kine kitatyi’kya, twaonakanya fututu bibundi byonso, ne bana-balume, ne bana-bakaji, ne bana. Ketwashilepo muntu nansha umo mūmi.+ 35 Twatūta enka bimunanwa pamo ne bikwatwa bya mu bibundi byotwakwete. 36 Tamba ku Aloele,+ udi kufulakufula kwa Musanza wa Alenona* (ne kibundi kidi mu musanza), kufika ne ku Ngileade, i kutupu kibundi kyoketwakwetepo. Yehova Leza wetu wetupele’byo byonso.+ 37 Inoko kemwafwenenepo ku ntanda ya bene Amone,+ kufulakufula konso kwa Musanza* wa Yaboko+ ne bibundi bya ntanda ya ngulu, nansha kifuko kikwabo kyonso kyapeleje Yehova Leza wetu.