Ñimbo ya Mitōto
Kudi mukulu wa bañomba. Lwimbo lwa Davida.
14 Mulembakane* unena mu mutyima wandi amba:
“Yehova kadi’kopo.”+
Bilongwa byabo i byoneke kadi bya munyanji;
I kutupu ulonga biyampe.+
2 Ino Yehova utalanga pa bana ba bantu aye momwa mūlu
Amone shi kudi muntu udi na bujinguludi, shi kudi muntu ukimba Yehova.+
3 Abo bonso abasāsuka;+
Abo bonso i boneke muswelo umo.
I kutupu ulonga biyampe,
Nansha umo mwine.
4 Le banonga-bibi bonso kebevwanijepo’ni?
Basasamunanga bantu bami pamo bwa abo badya mukate.
Kebabijangapo Yehova.
5 Ino abo bakayulwa luzakalo lukatampe,+
Mwanda Yehova udi na lukongo lwa moloke.
6 Banwe banonga-bibi musakanga kuvutakanya milangwe ya mupēlulwe,
Ino Yehova i kinyemeno kyandi.+
7 Nanshi lupandilo lwa Isalela lutambe ku Ziona!+
Pasa kujokeja Yehova bantu bandi misungi,
Yakoba asangale, Isalela asepelele.