Ñimbo ya Mitōto
Kudi mukulu wa bañomba; lwa kwimba pamo na byombanwa bya myonji. Lwimbo lwa Davida.
4 Kitatyi kyongita, ngitabe’po, a Leza wami moloke.+
Nongele’ko dishinda mwa kunyemena* mu tusua twami.
Ntōkelwe mutyima ne kwivwana milombelo yami.
2 Banwe bana ba bantu, le mukalamuna bulēme bwami ke bumvu kufika ne kitatyi’ka?
Le mukasanswa bya bitupubitupu ne kukimba bya bubela kufika ne kitatyi’ka? (Sela)
3 Yukai amba Yehova ukekala na muntu wandi wa lulamato mu muswelo wa pa bula;*
Yehova ukevwana kitatyi kyomwita.
4 Lobai, ino kemwakipyai mambo.+
Nenai mu mutyima wenu, pa butanda bwenu, kadi ikalai talala. (Sela)
6 Kudi binenwa bivule amba: “Lelo i ani uketulombola kintu kiyampe?”
Kitōkeji kya mpala yobe kitumunikile, abe Yehova.+
7 Ubayuja nsangaji mikatampe mu mutyima wami
Kutabuka boba badi na mwangulo mungi wa miseke ne vinyu mipya.