Bilongwa bya Mafuku Umbajinji

27 Buno bo bungi bwa bene Isalela, mitwe ya mobo a bashabo, bakata ba tununu ne ba tutwa,+ ne bemaniji babo badi bengidila mulopwe+ mu myanda yonso ya bibumbo byadi bitamba ne kutwela kweji ne kweji mu myeji yonso ya mwaka; badi 24 000 mu kibumbo ne kibumbo.

2 Wadi utala kibumbo kya kweji umbajinji i Yashobeame+ mwanā Zabadiele, kadi mu kibumbo kyandi mwadi bantu 24 000. 3 Ku bana ba Peleze,+ aye ye wadi mutwe wa bakata bonso ba bisumpi batūdilwe kwingila mu kweji umbajinji. 4 Wadi utala kibumbo kya kweji wa bubidi i Dodai+ mwine Ahohi+ ne kibumbo kyandi, Mikelote ye wadi mutangidiji, kadi mu kibumbo kyandi mwadi bantu 24 000. 5 Mukata wa kisumpi kya busatu kyatūdilwe kwingila mu kweji wa busatu i Benaya+ mwanā kitobo mukulu Yehoyada,+ kadi mu kibumbo kyandi mwadi bantu 24 000. 6 Uno Benaya wadi wa bulwi mukomokomo wa mu bantu makumi asatu, kadi ye wadi utangidile bantu makumi asatu’ba, ino wandi mwana Amizabada ye wadi utala kibumbo kyandi. 7 Wa buná, wa mu kweji wa buná i Asahele,+ mwanabo na Yoabe,+ pamulonda wandi mwana Zebadia, kadi mu kibumbo kyandi mwadi bantu 24 000. 8 Mukata wa butano, wa mu kweji wa butano i Shamute mwine Izelahia, kadi mu kibumbo kyandi mwadi bantu 24 000. 9 Wa busamba, wa mu kweji wa busamba i Ila+ mwanā Ikeshe mwine Tekoa,+ kadi mu kibumbo kyandi mwadi bantu 24 000. 10 Wa busamba-bubidi, wa mu kweji wa busamba-bubidi i Heleze+ mwine Pelone wa ku bene Efelaimi, kadi mu kibumbo kyandi mwadi bantu 24 000. 11 Wa mwānda, wa mu kweji wa mwānda i Shibekai+ mwine Husha wa ku bene Zela,+ kadi mu kibumbo kyandi mwadi bantu 24 000. 12 Wa kitema, wa mu kweji wa kitema i Abi-Ezele+ mwine Anatote+ wa ku bene Benjemani, kadi mu kibumbo kyandi mwadi bantu 24 000. 13 Wa dikumi, wa mu kweji wa dikumi i Mahalai+ mwine Netofa wa ku bene Zela,+ kadi mu kibumbo kyandi mwadi bantu 24 000. 14 Wa 11, wa mu kweji wa 11 i Benaya+ mwine Pilatoni wa ku bana ba Efelaimi, kadi mu kibumbo kyandi mwadi bantu 24 000. 15 Wa 12, wa mu kweji wa 12 i Heledai mwine Netofa, wa ku kisaka kya Oteniele, kadi mu kibumbo kyandi mwadi bantu 24 000.

16 Bano’ba bo badi batangidiji ba bisaka bya Isalela: ku bene Lubeni, Ediezela mwanā Zikidi ye wadi mutangidiji; ku bene Shimioni, Shefatia mwanā Maka; 17 ku bene Levi, Hashabia mwanā Kemuele; kwa Alone, Zadoki; 18 kwa Yuda, Edihu,+ umo wa mu banababo na Davida; kwa Isakala, Omidi mwanā Mikaele; 19 kwa Zebuluna, Ishimaya mwanā Obadia; kwa Nafatale, Yedimote mwanā Azidiele; 20 ku bene Efelaimi, Hoshea mwanā Azazia; ku kipindi kya kisaka kya Manase, Yoela mwanā Pedaya; 21 ku kipindi kya kisaka kya Manase mu Ngileade, Ido mwanā Zekadia; kwa Benjemani, Yashiele mwanā Abinele;+ 22 kwa Dani, Azalela mwanā Yelohama. Bano’ba bo badi bamfumu ba bisaka bya Isalela.

23 Davida kabadilepo boba badi na myaka 20 kotūka, mwanda Yehova walaile kuvudija Isalela pamo bwa ñenyenye ya mūlu.+ 24 Yoabe mwanā Zeluya washilwile kubala bantu, inoko kapwilepo kwibabala; Leza walobela Isalela* pa mwanda wa kino,+ kadi bungi bwa bantu kebwatwejibwepo mu nsekununi ya mānga ya bitatyi bya Mulopwe Davida.

25 Wadi utala bibīko bya byabulēme bya mulopwe+ i Azamaveta mwanā Adyele. Yonafane mwanā Uzia wadi utala mobo a bibīko* mu madimi, mu bibundi bikatampe, mu bibundi bityetye, ne mu biteba. 26 Wadi utala bengidi ba mu madimi badi badima nshi i Ezedi mwanā Keluba. 27 Shimei mwine Lama wadi utala madimi a mañanza; wadi utala byangulwa bya mu madimi a mañanza mwanda wa bibīko bya vinyu i Zabedi mwine Shifeme. 28 Wadi utala bitongo bya mityi ya impafu ne mityi ya shikama+ mu Shefela+ i Bāla-Hanana mwine Ngedele; wadi utala bibīko bya māni nandi i Yoashe. 29 Wadi utala bañombe badi badya mu Shalone+ i Shitelai mwine Shalone, Shafata mwanā Adelai nandi wadi utala bañombe mu malungu a misanza. 30 Wadi utala bangamedia i Obile mwine Ishemele; wadi utala bampunda* nandi i Yedeya mwine Melonote. 31 Wadi utala luombe i Yazize mwine Hakala. Bano bonso’ba bo bakata badi batala bintu bya Mulopwe Davida.

32 Yonafane,+ mwanā mwanabo na Davida, wadi mudingidi, muntu wa ñeni kadi mulembi, Yehiele mwanā Hakemoni nandi ye wadi ulela bana ba mulopwe.+ 33 Ahitofele+ wadi mudingidi wa mulopwe, Hushai+ mwine Aleke nandi wadi mulunda* na mulopwe. 34 Kupwa kwa Ahitofele kwadi Yehoyada mwanā Benaya+ ne Abiatala;+ kadi Yoabe+ ye wadi mukata wa kibumbo kya divita kya mulopwe.