MADILO
א [Aleph]*
1 Yō, aye pano kashikete bunka bwandi, kibundi kyadi kiyule bantu!+
Yō aye kadi pamo bwa mukaji wa kishala, aye wadi na bantu bangi mu mizo!+
Yō, aye wadi mfumu mwana-mukaji mu matanda a bubikavu* abamwingija mingilo ya kuningilwa!+
ב [Beth]
2 Aye udilanga bibibibi bufuku,+ kadi impolo yandi ibapūta matama andi.
Mu boba bonso bamusenswe kemudipo nansha umo wa kumusenga.+
Balunda nandi bonso abamwaba;+ abaikala ke balwana nandi.
ג [Gimel]
3 Yuda waenda bu musungi+ mu malwa ne bupika bwa malwa.+
Aye ufwaninwe kwikala umbukata mwa mizo;+ katenepo kifuko kya kukōkolokwa.
Boba bonso bamupangapanga abamupeta mu tusua twandi.
ד [Daleth]
4 Mashinda a Ziona adilanga madilo, mwanda i kutupu muntu wiya ku masobo.+
Bibelo byandi byonso bibasalwa;+ babitobo bandi babinzanga.
Bajike* bandi badi na njia, kadi badi mu malwa a mwiko.
ה [He]
5 Bakinkwa nandi pano ke mfumwandi;* balwana nandi kebadipo na malangalanga.+
Mwanda Yehova wamuletela njia pa mwanda wa kujilula kwandi kungikungi.+
Bandi bana abaenda bu misungi ku meso a kinkwa.+
ו [Waw]
6 Buya bonso bwa dyangi bwa Mwanā Ziona mwana-mukaji bubajimina.+
Bamfumu bandi badi pamo bwa tusha ketumwenepo madyo,
Kadi twendanga tupungile ku meso a yewa witulonda.
ז [Zayin]
7 Mu mafuku a malwa andi ne abudilwe kwa kwikala, Yelusalema uvulukanga
Bintu byonso bya bulēme byaadi nabyo mu mafuku a kala.+
Kitatyi kyaponene bantu bandi mu kuboko kwa kinkwa ne kyakadipo na wa kumukwasha,+
Bakinkwa bamumwene kebamusepa pa mwanda wa kupona kwandi.+
ח [Heth]
8 Yelusalema waluba bininge.+
O mwanda waikala ke kintu kya munyanji.
Bonso badi bamulēmekele pano kebamumone bu kintu kya kiboja, mwanda abamone mutaka wandi.+
Aye ubinzanga+ ne kujoka bya bumvu.
ט [Teth]
9 Disubi dyandi didi kunshi kwa kivwalwa kyandi.
Katelepo mutyima ku būmi bwandi bwa kumeso.+
Kupona kwandi kwadi kutulumukwa; kadipo na muntu nansha umo wa kumusenga.
A Yehova tala malwa ami, mwanda walwana nami wetumbika aye mwine.+
י [Yod]
10 Kinkwa waolola maboko andi pa byabulēme byandi byonso.+
Mwanda aye wamone mizo itwela mu kipandulwe kyandi,+
Yoya yowasoñenye amba keifwaninwepo kutwela mu kipwilo kyobe.
כ [Kaph]
11 Bantu bandi bonso babinzanga; bakimbanga mukate.+
Abapāna bintu byabo bya bulēme pa mwanda wa kyakudya, amba bekale bōmi.*
A Yehova tala, umone monaikadila pamo bwa mwana-mukaji wa bitupu.*
ל [Lamed]
12 Lelo banwe bonso mupitanga mu dishinda bya bitupu?
Talai mumone!
Lelo kudi masusu adi pamo na onadi nekonda nao,
Ansuswile Yehova mu difuku dya bulobo bwandi budyendyemuka?+
מ [Mem]
13 Watume mudilo mu bikupa+ byami aye papo mūlu, kadi wanekenya muntu ne muntu.
Wate maulu ami bukonde; waunjokeja kunyuma ku bukomo.
Wangalamuna kendi mwana-mukaji musalwe.
Mbelanga difuku dyonso dituntulu.
נ [Nun]
14 Kujilula kwami i kukute pamo bwa lupungu, kukutwe na kuboko kwandi.
Kubatūlwa mu nshingo yami, kadi bukomo bwami bubatunya.
Yehova wampāna mu kuboko kwa boba bonkibwanyapo kukomena.+
ס [Samekh]
15 Yehova waela bantu bonso bakomokomo ba mu bukata mwami.+
Wangityila kitango kya kuvingakanya bansongwalume bami.+
Yehova waponda mwanā Yuda mwana-mukaji mujike mu kyengelo kya vinyu.+
ע [Ayin]
16 Ndilanga pa mwanda wa bino bintu;+ meso ami azululukanga impolo.
Mwanda muntu ense ubwanya kunsenga nansha kuntūkija mutyima* udi kulampe nami.
Bami bana i basalwe, mwanda walwana wanekenya.
פ [Pe]
17 Ziona wabāla maboko andi;+ kadipo na muntu wa kumusenga.
Yehova wasoñenya Yakoba bakinkwa nandi bonso bamujokolokele.+
Yelusalema waikala ke kintu kya munyanji kobadi.+
צ [Tsade]
18 Yehova i moloke,+ mwanda ami natombokela misoñanya yandi.*+
Banwe bantu bonso, tejai, kadi monai masusu ami.
Bajike* bami ne bansongwalume bami, abaenda bu misungi.+
ק [Qoph]
19 Naite boba bansenswe, ino abangaba.+
ר [Resh]
20 A Yehova, tala, mwanda ngidi mu tusua tukatampe.
Munda* mwami musankintanga.
Mutyima wami unjondanga munda mwami, mwanda natombokele bininge.+
Panja kipete kingipailanga bana;+ munda mwa njibo i pamo bwa lufu.
ש [Shin]
21 Bantu abaivwana kubinza kwami; i kutupu nansha umo wa kunsenga.
Balwana nami bonso abaivwana kyamalwa kyami.
I basangale, mwanda waletele’kyo.+
Ino ukaleta difuku dyowasapwile,+ dyobakekala pamo bwa ami.+
ת [Taw]
22 Bibi byabo byonso bīye ku meso obe, kadi wibasanshije bya mwiko,+
Monka mowansanshijija bya mwiko mwanda wa kujilula kwami konso.
Mwanda kubinza kwami i kuvule, kadi mutyima wami ubelanga.
א [Aleph]
2 Yō, Yehova wapūta mwanā Ziona mwana-mukaji dikumbi dya bulobo bwandi!
Aye mūlu, waela buya bwa Isalela panshi.+
Kavulukilepo kitūlo kya maulu+ andi mu difuku dya bulobo bwandi.
ב [Beth]
2 Yehova wamina bīkalo byonso bya Yakoba pampikwa lusa.
Wapomona bifuko bikomejibwe bya mwanā Yuda mwana-mukaji na bukalabale bwandi.+
Watūkija pa nshi ne kukobakanya bulopwe+ ne bamfumu bandi.+
ג [Gimel]
3 Watalula bukomo bonso* bwa Isalela na bulobo bukatampe.
Wakokele kuboko kwandi kwa lundyo pafwenene walwana,+
Kadi aye wadi utēma nyeke mu Yakoba pamo bwa mudilo uloteja kintu kyonso kiujokolokele.+
ד [Daleth]
4 Wakana* buta bwandi bwa miketo pamo bwa walwana; kuboko kwandi kwa lundyo i kupanze pamo bwa kinkwa;+
Wadi wipaya’nka kwipaya boba bonso babilwa na meso.+
Kadi wapungulwila bukalabale bwandi mu pema wa mwanā Ziona+ mwana-mukaji pamo bwa mudilo.+
ה [He]
5 Yehova waikala pamo bwa walwana;+
Wamina Isalela.
Wamina biteba byandi byonso;
Waonakanya bifuko byandi byonso bikomejibwe.
Kadi wavudija madilo ne miyoa mudi mwanā Yuda mwana-mukaji.
ו [Waw]
6 Wasanshija kitanda kyandi,+ pamo bwa kōbo mu budimi.
Yehova walengeja belwe masobo ne sabato mu Ziona,
Kadi na kufītwa kukatampe kwa mutyima wandi, kalēmekelepo mulopwe ne kitobo mwine.+
ז [Zayin]
7 Yehova waela kisōkelo kyandi;
Wapele kipandulwe kyandi.+
Wapāna mumbu ya biteba byandi bikomejibwe mu kuboko kwa walwana nandi.+
Abatulula diwi dyabo mu njibo ya Yehova,+ pamo’nka na mu difuku dya masobo.
ח [Heth]
8 Yehova wasumininwa konakanya lubumbu lwa mwanā Ziona mwana-mukaji.+
Watamuna lukamba lwa kupima nalo.+
Kakokelepo kuboko kwandi kuleke kuleta bonakani.*
Kadi wadidija dibunda ne lubumbu madilo.
Abyo byonso bibakōka pamo.
ט [Teth]
9 Bibelo byandi bibatwela panshi.+
Waonakanya ne kutyumuna mikabo yandi.
Mulopwe wandi ne bamfumu bandi badi mu bukata mwa mizo.+
I kutupu kijila;* ne bapolofeto bandi bene kebamonangapo kimonwa kitamba kudi Yehova.+
י [Yod]
10 Bakulumpe ba mwanā Ziona mwana-mukaji bashikete pa nshi talala.+
Abetūta luvumbi ku mitwe kadi abavwala masāka.+
Bajike ba Yelusalema ababandika mitwe yabo pa nshi.
כ [Kaph]
11 Meso ami abakōka kusūmija impolo.+
Munda* mwami musankintanga.
Dityima dyami dibapungululwa pa nshi, mwanda wa kupona kwa mwana mwana-mukaji wa* bantu bami,+
Mwanda wa bana batyetye ne bana ba lukeke bapungila bininge mu bīkwe bya kibundi.+
ל [Lamed]
12 Bepangula’nka kwipangula bainabo amba, “Le miseke ne vinyu bidi kwepi?”+
Pobapungīle bininge pamo bwa muntu mutapwe bilonda mu bīkwe bya kibundi,
Penda pajimina būmi bwabo* mu maboko a bainabo.
מ [Mem]
13 Le mbwanya kwingidija kika bu kamoni,
Ne i bika byombwanya kukwenzankanya nabyo, a mwanā Yelusalema mwana-mukaji?
Le i bika byombwanya kukudingakanya nabyo, mwanda wa kukusenga, a mujike mwanā Ziona mwana-mukaji?
Mwanda kupona kobe i kukatampe pamo bwa dijiba.+ Le i ani ubwanya kukundapa?+
נ [Nun]
14 Bimonwa byadi bikumwena bapolofeto bobe i bya bubela kadi bya bitupu,+
Kebadipo bakulombola kilubo kyobe mwanda wa kukusonsolola ku bu musungi bobe,+
Ino badi bakumwena bimonwa bya myanda ya bubela kadi ya kyongo.+
ס [Samekh]
15 Boba bonso bapita mu dishinda bakukupidilanga bikufi byabo bya kibengo.+
Bedila mwanā Yelusalema mwana-mukaji muluji batulumuka+ ne kumupukila mitwe yabo kebanena’mba:
“Mwene kino’ki kyo kibundi kyobadi banena’mba, ‘I kiyampe bya binebine, nsangaji ya ntanda yonso’?”+
פ [Pe]
16 Balwana nobe bonso abakwasamina kyakanwa kyabo.
Bela muluji ne kushenkenya meno kebanena’mba: “Tubamumina.+
Dino’di dyo difuku dyotwadi tutengele!+ Dibafika, kadi tubedimone!”+
ע [Ayin]
Wapomona pampikwa lusa.+
Waleka walwana asangale pa mwanda obe; wazunzula bukomo bwa* bakinkwa nobe.
צ [Tsade]
18 A lubumbu lwa mwanā Ziona mwana-mukaji, mutyima wabo udidilanga Yehova.
Impolo yabo ikuke pamo bwa kamunonga dyuba ne bufuku.
Kokatūja, diso dyobe* kedyakakōkolokwa.
ק [Qoph]
19 Languka! Dila bufuku, ku ngalwilo ya bilo.
Pungulula mutyima obe pamo bwa mema ku meso a mpala ya Yehova.
Mutulwile maboko pa mwanda wa būmi bwa* bobe bana,
Bapungila bininge ku difinko dyonso dya kipito* mwanda wa kipupo kya nzala.+
ר [Resh]
20 Mona, a Yehova, tala yewa owasanshija.
Le bana-bakaji bakadya’nka kudya lutundu lwabo,* babo bana ba ngitu miyampe,+
Nansha babitobo ne bapolofeto kwipaibwa mu kipandulwe kya Yehova?+
ש [Shin]
21 Mwanuke ne mununu balēle pa nshi mu bipito bafwe.+
Bajike* bami ne bansongwalume bami abapone ku kipete.+
Ubaipaya mu difuku dya bulobo bobe; ubatape pampikwa lusa.+
ת [Taw]
22 Ubaite luzakalo ku mitamba yonso, pamo’nka na mu difuku dya masobo.+
I kutupu nansha umo upandile nansha kukūlwa, mu difuku dya bukalabale bwa Yehova;+
א [Aleph]
3 Ami ye muntu wamona malwa pa mwanda wa lusonde lwa bukalabale bwandi.
2 Waumpanga ne kuñendeja mu fukutu, ke mu kitōkejipo.+
3 Na bubine, kuboko kwandi kwiyanga pondi kyaba ne kyaba difuku dyonso dituntulu.+
ב [Beth]
4 Washinikija ngitu yami ne kikoba kyami;
Watyumuna bikupa byami.
5 Wantēkela kasāla; wanjokoloja bulembe bubibubi+ ne masusu.
6 Wanshikatyija mu bifuko bifīta ku bukomo, pamo bwa bantu bafwile tamba kala.
ג [Gimel]
7 Wangela mu bukata mwa mumbu, kutyina nakanyema;
Wankute nkano ya mukuba ilēma bininge.+
8 Kadi kitatyi kyongabija, aye upelanga* milombelo yami.+
9 Wajike tushinda twami na mabwe masōnge;
Wakondamija mashinda ami.+
ד [Daleth]
10 Utengelanga koku umfyamine pamo bwa uluse, pamo bwa ntambo ufyeme.+
12 Wakana* buta bwandi bwa miketo, kadi wantūla bu kitōndo kya muketo.
ה [He]
13 Wasabakanya mfyo yami na miketo* ya mu luvungu lwandi.
14 Naikala kendi kintu kya kusepibwa ku bantu bonso, wa kwimbwa mu ñimbo yabo difuku dyonso dituntulu.
15 Wandinge bintu bilula kadi wandyuja ndulwe.+
ו [Waw]
17 Ubansuminwa* ndoe; nailwa kyokya kiyampe.
18 O mwanda nanena’mba: “Muya wami ubaoneka, ne kukungila konkungile Yehova kwine.”
ז [Zayin]
19 Vuluka malwa ami ne kubulwa kombudilwe kwa kwikala,+ ndulwe ne bulembe bubibubi.+
20 Bine abe* ukavuluka ne kufukata pa mwanda wami.+
21 Mvulukanga kino’ki mu mutyima wami; o mwanda nkalombola mutyima wa kukungila.+
ח [Heth]
22 Ketufwilepo pa mwanda wa buswe bwa ndamatyidile bwa Yehova,+
Mwanda lusa lwandi keludipo na mfulo.+
23 I lupya lubanga ne lubanga;+ bubinebine bobe i buvule.+
24 “Yehova i kyepelo kyami”+ ye monanenena,* “o mwanda nkalombola mutyima wa kumukungila.”+
ט [Teth]
25 Yehova i muyampe kudi yewa umukulupile,+ kudi muntu* umukimba’nka kumukimba.+
26 I biyampe kukungila talala nyā*+ lupandilo lwa Yehova.+
27 I biyampe muntu asele lupungu mu bunkasampe bwandi.+
י [Yod]
28 Ashikate bunka ne kuba talala pamutwika’lo.+
29 Atūle kyakanwa kyandi mu luvumbi;+ padi kukidi lukulupilo.+
30 Ape yewa umukupila kutama kwandi; ekute mutonko wandi.
כ [Kaph]
31 Mwanda Yehova kaketwelapo lonso.+
32 Nansha byaalengeja njia, kadi aye ukevwana lusa mwendele bungibungi bwa buswe bwandi bwa ndamatyidile.+
33 Mwanda mu mutyima wandi kemudipo kumwesha bana ba bantu malwa nansha kwibafītyija mutyima.+
ל [Lamed]
34 Kuvingakenya munshi mwa maulu a muntu bakutwa bonso ba pa ntanda,+
35 Kupela kubingija moloke mu meso a Mwine wa Peulu Mwine,+
36 Kudimba muntu mu kisambo kyandi
—Yehova kabwanyapo kutala bitupu bintu bya uno muswelo.
מ [Mem]
37 Le penepo, i ani ubwanya kwisamba ne kufikidija’kyo shi Yehova kasoñenye’kyopo?
38 Mu kyakanwa kya Mwine wa Peulu Mwine,
Kemutambangapo bintu bibi ne bintu biyampe pamo.
39 Le kitompwela muntu mūmi pa byobya bilupuka ku bubi bwandi i kika?+
נ [Nun]
40 Tutalei ne kubandaula mashinda etu,+ tujokelei kudi Yehova.+
41 Tutulwilei Leza momwa mūlu mityima yetu ne maboko etu+ amba:
42 “Tubajilula ne kutomboka,+ kadi kwitufwidilepo lusa.+
ס [Samekh]
44 Ubejike na dikumbi tuleke kukufwena, kutyina’mba milombelo yetu yakapita.+
45 Ubetwalamuna ketudi bityakuku ne busala mu bantu.”
פ [Pe]
46 Balwana netu bonso abetwasamina byakanwa byabo.+
47 Kyepelo kyetu ke moyo ne mbao,+ musala ne kupona.+
48 Tuminonga twa mema tukukanga mu meso ami pa mwanda wa kupona kwa mwana mwana-mukaji wa bantu bami.+
ע [Ayin]
49 Meso ami adilanga kuleka’byo mpika, pampikwa kukōkolokwa,+
50 Kufika ne bitala Yehova panshi amone, aye papo mūlu.+
51 Meso ami abandetela* njia pa mwanda wa bana bana-bakaji bonso ba mu kibundi kyami.+
צ [Tsade]
52 Balwana nami bampoyanga pamo bwa kyoni pampikwa mwanda.
53 Abatalaja būmi bwami mu kīna; badi’nka bangasa mabwe.
54 Mema adi akuka pa mutwe wami, kenena’mba: “Ami pano kubapu!”
ק [Qoph]
55 A Yehova, naityile dijina dyobe munshi mwa kīna.+
56 Ivwana diwi dyami; kokajika kutwi kobe ku kwabija konkwabija unkwashe.
57 Wafwenene mu difuku dyonakwityile. Wanenene amba: “Kokakwatwa moyo.”
ר [Resh]
58 A Yehova, ubaunenena mambo ami,* ubakūla būmi bwami.+
59 A Yehova, ubamone bibi byobanonga; nakwisāshila mingije.+
60 Ubamone kinongo kyabo kyonso, nkuku yabo yonso yobankutyila.
ש [Sin] nansha [Shin]
61 A Yehova, ubaivwana lonji lwabo, nkuku yabo yonso yobankutyila,+
62 Milomo ya bakinkwa nami ne lubabo lobambaba difuku dyonso dituntulu.
63 Wibatale; pobashikete nansha pobemene, banzawilanga mu ñimbo yabo!
ת [Taw]
64 A Yehova, abe ukebalubwila mwendele bilongwa byabo.
65 Ukōmija mityima yabo, bu mafingo obe kobadi.
66 Ukebalondalonda na bulobo bobe ne kwibakubija munshi mwa madiulu a Yehova.
א [Aleph]
4 Yō, olo* yeñenyanga keifīta, olo milumbuluke!+
Yō, mabwe ajila+ abalāla nkusankusa ku difinko dyonso dya kipito!*+
ב [Beth]
2 Bana balēme ba Ziona, badi bapimwa pamo na* olo mikundule,
Yō, abamonwe pamo bwa milondo ya dilongo,
Mingilo ya makasa a umbumbi!
ג [Gimel]
3 Enka ne mizeu yamishanga twana twayo dibēle,
Ino mwana mwana-mukaji wa bantu bami waikala mubimubi,+ pamo bwa makolongo mu ntanda mutuputupu.+
ד [Daleth]
4 Ludimi lwa mwana wamwa lubalamata mu kilango kyandi pa mwanda wa kyumwa.
Bana balombanga byakudya,+ ino i kutupu nansha umo wibapa’byo.+
ה [He]
5 Boba badi badya bintu bya munsonso ke balēle nzala* mu bipito.+
Boba bobakandije bavwele bityila pyā,+ abapambe bīpa milwi ya buto.
ו [Waw]
6 Mfuto ya* mwana mwana-mukaji wa bantu bami i mikatampe kupita mfuto ya bubi bwa Sodoma,+
Wafulamikilwe mu kitatyi kimo, pambulwa kuboko kwa kumukwasha.+
ז [Zayin]
7 Bene Nazila+ bandi badi batōka tō kupita mashika mekwate, batōka kupita mabele.
Badi batyila bininge kupita mabwe a kolaye; kadi badi pamo bwa mabwe a safile makundule.
ח [Heth]
8 Mpala yabo ibafīta bininge kupita mulé;*
Kebebajiwilepo mu bipito.
Kikoba kyabo kibaumina bininge ku mikupa yabo;+ kibaikala pamo bwa mutyi mūmu.
ט [Teth]
9 Boba bafwile ku kipete i bayampe kupita boba bafwile ku kipupo kya nzala,+
Boba bashinike, basabakanibwe mwanda wa kubulwa byakudya bya mu ntanda.
י [Yod]
10 Maboko a bana-bakaji ba lusalusa abatēka babo bana.+
Abaikala ke byakudya byabo bya madilo papona mwana mwana-mukaji wa bantu bami.+
כ [Kaph]
11 Yehova walombola bukalabale bwandi;
Wapungulula bulobo bwandi budyendyemuka.+
Kadi wabanza mudilo mu Ziona uloteja byalwilo byandi.+
ל [Lamed]
12 Balopwe ba ntanda ne bekadi bonso ba ntanda ipa bipa kebadipo betabije
Amba kinkwa ne walwana bakatwela mu bibelo bya Yelusalema.+
מ [Mem]
13 I pa mwanda wa bubi bwa bapolofeto bandi ne bilubo bya babitobo bandi,+
Bamwangile mashi a bantu boloke mu bukata mwandi.+
נ [Nun]
14 Balumbakananga pamo bwa bampofu+ mu bipito.
Abasubijibwa na mashi,+
Mu muswelo keubwanyapo muntu nansha umo kutenga bivwalwa byabo.
ס [Samekh]
15 “Fundukai! Ba disubi!” ye mobebelela lubila. “Fundukai! Fundukai! Kemwaketutengai!”
Mwanda abaenda kebadipo na kwa kwikala, kadi balumbakana.
Bantu abanena mu mizo amba: “Kebabwanyapo kushikata netu muno.”*+
פ [Pe]
16 Mpala ya Yehova ibebapalakanya;+
Aye kakebatalepo monka biyampe.
Bantu kebakalēmekapo monka babitobo,+ nansha kutōkelwa bakulumpe mutyima.”+
ע [Ayin]
17 Ne pano pene meso etu abakōka kukimba bukwashi bya bituputupu.+
Twadi tukimba’nka kukimba bukwashi ku muzo kewadipo ubwanya kwitupandija.+
צ [Tsade]
18 Bakimbanga ditabula dyetu+ dyonso amba tukomenwe kwenda mu bīkwe byetu.
Mfulo yetu ibafwena; mafuku etu abapu, mwanda mfulo yetu ibafika.
ק [Qoph]
19 Boba betulondalonda badi na lubilo kupita mikebo ya mūlu.+
Betulondele lubilo pa ngulu; betujikīle mu ntanda mutuputupu.
ר [Resh]
20 Umpuya wa mu myulu yetu, mushingwe māni wa Yehova,+ wakwatwa mu lubao lwabo lukatampe,+
Muntu otwadi tunena’mba: “Tukashikata mu bukata mwa mizo mu mwemba wandi.”
ש [Sin]
21 A mwanā Edoma+ mwana-mukaji, sepelela ne kusangala, shikata’nka moshikatyile’mo+ mu ntanda ya Ūza.
Ino kitomeno kikapityila ne kodi, kadi ukakolwa ne kwivūla mutaka.+
ת [Taw]
22 A mwanā Ziona mwana-mukaji, mfuto ya kilubo kyobe ibafika ku mfulo.
Aye kakakuselelapo monka mu bu musungi.+
Ino ukata mutyima ku kilubo kyobe, abe mwanā Edoma mwana-mukaji.
Aye ukasokola bubi bobe.+
5 A Yehova, vuluka bintu byetufikila.
Tala, umone bumvu bwetu.+
2 Bupyani bwetu bubapebwa beni, mobo etu nao bantu bangi.+
3 Ketudi bana ba nshiye ba kubulwa shabo; bamama abaikala pamo bwa bakaji ba kishala.+
4 Ketupote mema etu a kutoma,+ kadi nkuni yetu ke ya lupoto.
5 Boba betulondalonda badi ku nshingo yetu;
Tubakōka, ino ketupelwepo kukōkolokwa.+
6 Tubaolwela Edipito+ ne Ashidia+ kuboko kwetu, mwanda wa kusokola mikate ya kudya.
7 Batata bapile mambo kebakidi’kopo, ino batwe tubasela bilubo byabo.
8 Pano bengidi abetubikala; i kutupu muntu nansha umo wa kwitusompola mu kuboko kwabo.
9 Tutūlanga būmi bwetu*+ mu kyaka pa kusela mikate, mwanda wa kipete kya mu ntanda mutuputupu.
10 Kikoba kyetu kibakabe pamo bwa nkelwa, mwanda wa nzala isansa.+
11 Bakaji ba mu Ziona abafwijibwa bumvu,* bajike ba mu bibundi bya Yuda.+
12 Bamfumu batundikilwe ku kuboko kwabo,+ kadi bakulumpe kebalēmekelwepo.+
13 Bansongwalume baselanga mpelo, banuke nabo bakukala na bīta bya nkuni.
14 Bakulumpe abataluka pa kibelo kya kibundi;+ bansongwalume abaleka komba ñimbo.+
15 Nsangaji ibataluka ku mutyima wetu; luja lwetu lubaalamuka ke madilo.+
16 Kilukwa kibapone ku mutwe wetu. Malwa etu, mwanda tubapi mambo!
17 Mutyima wetu ubelanga pa mwanda wa kino,+
Kadi meso etu abaikala na kafi pa mwanda wa bino bintu,+
18 Pa mwanda wa Lūlu lwa Ziona lusalwe;+ pano mikenge izeulukanga’po.
19 Ino abewa, a Yehova, ushikete nyeke pa lupona.
Lupona lobe i lwa ku nkongo ne nkongo.+
20 Mwanda waka ubetwilwa lonso ne kwituleka kitatyi kilampe nenki?+
21 Witujokeje kodi, a Yehova, netu tukajokela kodi bukidi bonka.+
Jokeja mafuku etu enka na moadi ekadile pa kala.+
22 Inoko, ubetwelelela.
Abe ukitulobele bininge.+
Shapita 1-4 i ñimbo ya bulanda milembwe mu Kihebelu na maalufabe nansha na masomo elonda senene.
Nansha’mba “buludiki bwa bipindi bya ntanda.”
Nansha’mba “Bansongwakaji.”
Kishima pa kishima i, “mutwe.”
Nansha’mba “amba baluje muya.”
Muneneno wa kutela kintu bu muntu, ufunkila padi Yelusalema.
Nansha’mba “kutūkija muya wami mutyima.”
Kishima pa kishima i, “kyakanwa kyandi.”
Nansha’mba “Bansongwakaji.”
Nansha’mba “amba bajokeje muya.”
Kishima pa kishima i, “Milá.”
Kishima pa kishima i, “lusengo lonso.”
Kishima pa kishima i, “Watonte.”
Nansha’mba “Waonakanya.”
Kishima pa kishima i, “kumina.”
Nansha’mba “bulombodi.”
Kishima pa kishima i, “Milá.”
Muneneno wa kusāsula wa kutela kintu bu muntu, ulombola padi lusa nansha lusalusa.
Nansha’mba “muya wabo.”
Kishima pa kishima i, “lusengo lwa.”
Kishima pa kishima i, “mwana mwana-mukaji wa diso dyobe.”
Nansha’mba “myuya ya.”
Kishima pa kishima i, “ku mutwe wa bipito byonso.”
Nansha’mba “bipa byabo.”
Nansha’mba “Bansongwakaji.”
Nansha’mba “bonatambije bakomo nkē.”
Nansha’mba “ujikanga; ukankajanga.”
Bibwanika padi i, “kunshiya bitupu.”
Kishima pa kishima i, “Watonte.”
Kishima pa kishima i, “bana.”
Nansha’mba “Ubasuminwa muya wami.”
Nansha’mba “muya obe.”
Nansha’mba “mwanenena muya wami.”
Nansha’mba “muya.”
Nansha’mba “kukungila na kitūkijetyima.”
Nansha’mba “abaletela muya wami.”
Nansha’mba “bisambo bya muya wami.”
Nansha’mba “nsahabu.”
Kishima pa kishima i, “ku mutwe wa bipito byonso!”
Nansha’mba “badi balēme pamo bwa.”
Kishima pa kishima i, “basalwe.”
Kishima pa kishima i, “Kilubo kya.”
Kishima pa kishima i, “bufītyi.”
Nansha’mba “kwikala muno bu beni.”
Nansha’mba “muya wetu.”
Nansha’mba “abalāla nabo ku bukomo.”