Lwimbo 66

Bukomo bwa Mutyima wa Kanye

(Loma 2:4)

1. Tumufwijei’ko Leza

Ulombola kanye.

Wāfwidile bantu lusa,

Mo motuyukile!

I muyampe, wa bukomo,

Wa buntu, muyulwe ñeni.

Tumwingidilei bonso,

Tukōkele kwadi.

2. Yesu wādi ufundija

Kinenwa kya Leza.

Wādi muntu mutūkanye

Ku bimonyamalwa.

Buswe bwandi ne binenwa

Byādi bisenga badila.

Bipya-mambo byātengelwe,

Byāiya kwa Leza.

3. Kano kanye ka Yehova

I kipa kiyampe.

Twiulei Leza ne Yesu;

Tukeselwa dyese.

Nansha tutanwa na myanda,

Tupwe’yo na butūkanye.

Ayo yonso ikapwanga

Shi tudi na kanye.

4. Mu bintu byonso biyampe

Byotulonga ponso.

Tuyukei amba kanye

Kadi na bukomo.

Bapāna badi na dyese

Kupita boba bapebwa.

Kanye katumbija Leza

Mwine witwendeja.