Lwimbo 151
Tusapulei Myanda Miyampe ya Bulopwe
1. Tusapulei Bulopwe, Yesu wēbulaile.
Tusapulei myanda miyampe!
Tusapule’yo moyo mpika, na bupyasakane.
Tusapulei myanda miyampe!
Tusapule Bulopwe mu mashinda ne ku mobo.
Tushiye mikanda yetu ku mizo yonso.
Twingilei na bukomo ne na kininga kyonso.
Tusapulei myanda miyampe!
2. Tusapulei masobo alongolwele Leza.
Tusapulei myanda miyampe!
Pano ponka bantu betyepeje bakesobela.
Tusapulei myanda miyampe!
Tusapule’mba kukekala vinyu mineñene,
Bonso badi na nzala bakadya senene.
Tusapule lupandilo lwa baswele boloke.
Tusapulei myanda miyampe!
3. Tusapulei nsangaji ya Bulopwe bwafwena.
Tusapulei myanda miyampe!
Boba bonso baswele Leza kebakitompola.
Tusapulei myanda miyampe!
Tusapule amba Leza ukakwasha boloke
Ne kukaleta ndoe ku bamwitabije.
Tusapule amba kwingidila Leza yo ndoe.
Tusapulei myanda miyampe!