LWIMBO 55
Kokibatyina!
1. Bantu bami sapulai
Bulopwe moyo mpika.
Kemutyina balwana,
Mwibasapwile amba
Yesu ke mwele Satana
Pano pa ntanda kala.
Ukanyongolola bantu
Ku bupika bwa nyoka.
(KITUNDAIJO)
Baswe, kemukityinai
Balwana ba kipuni.
Nkemulamanga bwa nkishi
Udi mu diso dyami.
2. Nansha balwana i bangi
Kadi balenga moyo,
Bemutuyula konso,
Bemupa luzakalo,
Banwe’tu ningai nansha
Ke mu kupangwapangwa,
Mwanda ami nkemulama
Banwe bakunkōkela.
(KITUNDAIJO)
Baswe, kemukityinai
Balwana ba kipuni.
Nkemulamanga bwa nkishi
Udi mu diso dyami.
3. Kemukikwatwai moyo,
Ami ndi ngabo yenu.
Nansha kadi mubafu,
Nkemukūla ku lufu.
‘Kotyina wipaya ngitu,
Muya yeo wa mvubu.’
Ūminina ne ku mfulo
Utambule kyabuntu!
(KITUNDAIJO)
Baswe, kemukityinai
Balwana ba kipuni.
Nkemulamanga bwa nkishi
Udi mu diso dyami.
(Tala ne Kup. 32:10; Neh. 4:14; Ñim. 59:1; 83:2, 3.)