Musoñanya Kudi Mulembi Ne Kudi Mutadi Wa Mingilo

Ku mwaka ne mwaka, musapu ulupukanga mu Mwingilo Wetu wa Bulopwe wa kweji 2, ulomba mulembi ne mutadi wa mingilo, ‘kubandaula mwingilo wa bapania ba kitatyi kyonso bonso.’ Buno bubandaudi bufwaninwe kulongwa uno kweji wabusatu, lelo budi na kitungo’ka? I mwanda wa kujingulula i ani ufwaninwe bukwashi mwanda wa kumukwasha afike pa kitungo kya nsaa tamba enka pano kufika ne kumfulo kwa mwaka.

Bapania balonso bafwaninwe kupityija nsaa 1000 ku mwaka ne mwaka mu mwingilo. Kumfulo kwa kweji 2, bavule bamonanga’mba ikwibabulwe ma nsaa, kino kikokeja kwibazozeja. Pavule bakulumpe badi na muswelo wa kukwasha bapania, na kwibakankamika ne na kwibapa madingi mafwaninwe. Buno bukwashi bwa bakulumpe bukokeja kwikala bupotōloke ne kupa pania muswelo wakufikila pa kitungo kyandi, kupitako kwimika mwingilo wandi.

Bapania bakekala na kufwijako kwabine pamwanda wa katentekeji kakebalombola bakulumpe pa uno mwanda. Kipwilo nakyo kikamwenamo pa kumona bapania badi na nsangaji mu mwingilo ne bavuija mwingilo wabo na kikokeji.