Misapu

◼ Mabuku akapānwa mu kweji 1: Traduction du monde nouveau ne dibuku Biblia​—⁠Neno la Mungu au la Binadamu? Kweji 2: Dibuku dyonso dya mapaje 192 dyālupwilwe kumeso kwa 1984, didi mu kibīko kya kipwilo. Bipwilo byakubulwa ano mabuku bikapāna Kuokolewa Kuingia Katika Dunia Mpya. Kweji 3: Ufunuo​—⁠Upeo Wao Mtukufu U Karibu! Kweji 4: Lufungulo lwa Būmi Bwansangaji mu Kisaka (Falanse).

◼ Bipwilo bikakwata mpangiko ya kuteakanya byonso bitala pa Kivulukilo kikalongwa uno mwaka mu dyayenga 23 kweji 3, kupwa kwa kupona kwa dyuba. Mufwaninwe kutundulwila kupwila kwa Kiteba kya Mulami mu difuku dikwabo, mwanda i kutupu kupwila kukalongwa mu dine difuku’dya, poso enka kupwila kwa kwenda mu busapudi kete. Batadi ba bipindi bafwaninwe nabo kujadika mpangiko ya mu mwine yenga’wa, kukwatañana na ngikadila ya pa kipwilo pokikamutanina. I kipite buya bipwilo bikale kukalongela Kivulukilo pala pala, nansha kino byokekikalangapo nyeke kipēla. Mu bifuko mudi bipwilo bipwilanga mu Njibo ya Bulopwe imo, kikokejika kipwilo kimo nansha bivule bya mu abyo bikengidije mobo makwabo mu kine kyolwa’kya. Kivulukilo kekifwaninwepo kushilula kitatyi kekipite, kutyina’mba twakazozeja boba bashilwile kusangela bubinebine pano-pano. Pakwabo kadi, mpangiko ya mwingidijijo wa kitatyi keifwaninwepo kwikala mityinye bininge yomukomenwa ne kumona kyaba kya kwimuna kumeso ne kunyuma kwa Kivulukilo beni bomwityile, kwisamba nabo, kukwasha bamo-bamo ne kwipa nabo bilaeno bya kwendelela nabo kumeso kumushipiditu nansha kwikankamika banwe bene na bene. Kupwa kubandaula senene ino myanda yonso, bakulumpe bakatyiba mbila ya kyobakokeja kulonga mwanda wa bonso bakatanwa ku Kivulukilo bakamwene’mo kamweno.

◼ Uno byoudi mwanda mukatampe, kitango kya bakulumpe kikatonga umo wa mu bakulumpe babwino kutabuka bu muneni wa kishinte kya Kivulukilo, kupitako kwitonga enka momwilondela umo ne umo, nansha kwingidija enka tutu umo mwaka ne mwaka.

◼ Mu 1998, Kivulukilo kikalongwa mu dyamposo 11 kweji 4, kupwa kwa kupona kwa dyuba. Tubemuyukija dino difuku kumeso kwa kitatyi mwanda wa mwikale balame kifuko nansha njibo ya kufutyila, ku boba badi na bipwilo bivule bingidijanga Njibo ya Bulopwe imo, kino kikapēleja kutana mobo makwabo mwa kukalongela Kivulukilo pa kine kyaba’kya.

◼ Kishinte kya pabula kiteakanibwe mu kitatyi kya Kivulukilo kikapityijibwa mu dyayenga 6 kweji 4, 1997. Bipwilo bikekala na bupempudi bwa mutadi wa kipindi, na kubungakana kwa kipindi, nansha na kubungakana kwa pabula kwa difuku dimo mu mwine yenga’wa bakevwana kino kishinte kya pabula mu yenga ukalonda’po. Kekukekalapo kipwilo nansha kimo kikapityija kino kishinte kumeso kwa mafuku 6 kweji 4.

◼ Mabuku mapya adi pano mu kibīko:

Pourquoi adorer Dieu en amour et en vérité? (mukanda).

Mwimbieni Yehova Sifa ​—⁠ Lingala.

Tafsiri ya Ulimwengu Mpya ya Maandiko ya Kigiriki ya Kikristo ​—⁠ Swahili.

◼ Mabande mapya adi mu kibīko:

Faisons ce qui est droit aux yeux de Dieu ​—⁠ Falanse (kasete)

Jusqu’aux extrêmités de la terre ​—⁠ Falanse (video)

Ñimbo ya Bulopwe (na byombanwa) ​—⁠ Falanse

◼ Ku kupwila kwa mingilo kwa mu mafuku 6 kweji 1, mukata mutyima ku basapudi babatyijibwe mwanda wa bekale na kakanda “Instructions médicales ​—⁠ Pas de sang” ne tulata (cartes d’identité) twa babo bana.