Misapu

◼ Mabuku akapānwa mu kweji 2: Mabuku onso a mapaje 192 ālupwilwe kumeso kwa 1985 akidi mu kibīko kya pa kipwilo. Bipwilo kebidi nao mu kibīko bikapāna dibuku Ukokeja kwikala ne būmi bwanyeke mu Paladisa pano pantanda. Kweji 3: Ufunuo​—⁠Upeo Wao Mtukufu U Karibu! Kweji 4: Buyuki Butwala ku Būmi Bwanyeke. Tukalonga buninge bwa pa bula mwanda wa kushilula bifundwa bya Bible. Kweji 5: Kiteba kya Mulami ne Amkeni!

◼ Basapudi bonso babatyijibwe bakatanwa ku kupwila kwa mingilo kwa yenga ushilula mu mafuku 2 kweji 2 bakapebwa kakanda “Instructions médicales/Pas de sang” ne tulata twa babo bana tutelwa bu Cartes d’identité.

◼ Bapania bakwashi bonso bakomenwa kufikila pa kitungo kya masaa alombelwe, kebabalwangapo bu bapania mu lapolo wa kipwilo utumwa ku Bilo. Shi kemulondelepo uno mulangwe nankyo mwayene wa ntanda yetu yonso ukekala munshi mwa masaa 60.

◼ Kushilwila mu kweji 2 nansha mu difuku 1 kweji 3, batadi ba bipindi bakapityija kishinte kipya kya bantu bonso kidi na mutwe wa mwanda unena’mba: “Lelo Udi na Mulangwe wa Leza pa Mwanda Utala Būmi?”

◼ Bipwilo bikakwata mpangiko ya kuteakanya byonso bitala pa Kivulukilo kikalongwa uno mwaka mu dyamposo mafuku 11 kweji 4, kupwa kwa kupona kwa dyuba. Kupityija kwa byelekejo kufwaninwe kushilula’nka poso dyuba dibapone, nansha shi kishinte kishilwilwe kumeso kwa kitatyi. Tai mutyima muyuke nsaa iponanga dyuba mu kyenu kifuko. I kipite buya kipwilo ne kipwilo kikale kupityija Kivulukilo pakyo bwa pala, nansha shi kemuloñangapo nyeke namino. Shi kudi bipwilo bivule bingidijanga Njibo ya Bulopwe imo, i biyampe bipwilo bimobimo bikengidije bifuko bikwabo mu kine kyolwa’kya. Kivulukilo kekifwaninwepo kushilula ke mungya kalāa, kutyina’mba byakazozeja boba bashilwile kusangela musapu panopano. Pakwabo kadi, kebifwaninwepo kitatyi kikale kityinye bininge byomukomenwa ne kumona kyaba kya kwimuna beni kumeso ne kupwa kwa Kivulukilo, kwisamba na bamo, kwibakwasha kumushipiditu byaendaenda nansha kwikankamika banwe bene na bene. Shi bakulumpe abapu kubandaula senene ino myanda yonso, bakatala i mpangiko’ka yobakokeja kukwata’po ya kukakwasha bonso bakatanwa ku Kivulukilo bakamwene’mo biyampe senene shē.

◼ Kishinte kya pa bula kiteakanibwe bu kya pa Kivulukilo kikapānwa mu dyayenga 29 kweji 3. Papye wa kishinte ukatumwa. Bipwilo bikekala na bupempudi bwa mutadi wa kipindi, na kubungakana kwa kipindi nansha na kubungakana kwa pa bula mu mwine yenga’wa, bikapityija kino kishinte kya pa bula mu yenga ukalonda’po. Kekukekalapo kipwilo nansha kimo kikatūla mpangiko ya kino kishinte kumeso kwa mafuku 29 kweji 3, 1998.

◼ Kitango kya bakulumpe kifwaninwe kuyuka’mba i biyampe kushinta mpangiko ilonda’ko’i shi kipwilo kidi na kubungakana kampanda: Mu yenga wa kubungakana kwa pa bula kwa difuku dimo, kupwila kwa pa kipwilo kukalongwa na mokulongelwanga nyeke, enka kupwila kwa bantu bonso ne kifundwa kya Kiteba kya Mulami kete byo bikatalulwa’mo. Yenga wa kubungakana kwa kipindi, kipwilo kikatalula’mo ne Masomo a Mwingilo wa Kiteokratike ne Kupwila kwa Mingilo kwine; enka kifundwa kya kitabo kyo kikafundwa mu mwine yenga’wa.

◼ Kushilwila mu yenga wanza mu mafuku 4 kweji 5, 1998, kutūla ku yewa ushilula mu mafuku 14 kweji 9, 1998, dibuku Biblia: Neno la Mungu au la Binadamu? dikabandaulwa mu bifundwa bya kitabo bya mu bipwilo bya ludimi lwa Falanse.