Malondololo Ku Bipangujo Byenu

◼ Ekale bipwilo bivule bingidijanga Njibo ya Bulopwe imo, lelo bibwanya kushinta mpangiko ya bitatyi byabo muswelo’ka shi kipwilo kimo kisa kupembulwa na mutadi wa kipindi?

Mwingilo Wetu wa Bulopwe wa kweji 7, 1995 wanene mu mutwe wa mwanda “Twikalei na Bulēme na Bantu Bakwabo” amba: “Kitatyi ne kitatyi, i kyamvubu amba kipwilo ne kipwilo kyonso kyalamune nsaa yakyo ya kupwila, kifwa kitatyi kya bupempudi bwa mutadi wa kipindi.” Mungya buluji, bupempudi bwa mutadi wa kipindi bushilulanga dyabubidi, bwakafula dyayenga. Dyabubidi kyolwa dyo ditanwanga kipwilo ku Masomo a Mwingilo wa Kiteokratike ne ku Kupwila kwa Mingilo, kupwila ne kupwila kwijanga minite 30, kutalula’mo milombelo ne ñimbo. Mutadi wa kipindi ufudijanga kupwila na dishikulu dya mwingilo dilongwa mu minite 30. Kuno kupwila kunenwe kulongwa mu dyabubidi dishilula bupempudi bwa mutadi wa kipindi.

Kifundwa kya kitabo ne dishikulu dya mwingilo dya mutadi wa kipindi dikokeja kutūlwa pa bukata bwa dyabusatu ne dyamposo. Kuno kupwila kekunenenwepo kutūlwa enka mu dyabuná kete, mhm. Inoko, kunena kuyampe, dyayenga dyo difuku dinenanga mutadi wa kipindi dishikulu dya bantu bonso, ne kifundwa kya Kiteba kya Mulami mu kīpi, kupwa ke dishikulu dyamfulo dya mutadi wa kipindi. Inoko, kekinenwepo kwikulonga enka na nsaa ya 8 kete. Kukokeja kulongwa pa nsaa yo-yonso, lubanga nansha kyolwa, pakwabo ku kyolwa bininge.​—⁠Tala Bilongwa 20:⁠7.

Ino, shi kipwilo kampanda kidi na bupempudi bwa mutadi wa kipindi, bipwilo bikwabo bingidijanga nakyo Njibo ya Bulopwe imo bikekilangila’ko na kushinta nsaa ya kupwila kwabyo mwanda wa kupa kipwilo kidi mu bupempudi muswelo wa kupwila mu dyabubidi kyolwa. (1 Kod. 10:24) Mutwe wa mwanda otwatela kūlu’u i mubweje’ko amba: “Bakulumpe [ba pa kipwilo kipempulwa] bafwaninwe kulombola kumeso kwa kitatyi boba ba kipwilo kikwabo nansha ba bipwilo bikwabo bibungilanga mu ino Njibo ya Bulopwe mwanda wa bisapwile basapudi kumeso kwa kitatyi bininge.” Ino mu mafuku makwabo a mu yenga, kekidipo nyeke na mvubu kunena’mba poso’nka bipwilo bishinte nsaa ya kupwila kwabyo kukwatañana na kipwilo kisa kupempulwa na mutadi wa kipindi.​—⁠1 Kod. 14:40; Fid. 4:⁠5.