Le Lwitabijo Lobe mu Milao ya Yehova I Lukomo Namani?

Yoshua ne Solomone bālombwele’mba kekudipo kinenwa nansha kimo kya milao ya Yehova kyābudilwe kufikidila. (Yos 23:14; 1Ba 8:56) Bukamoni bwa bano batumoni babidi ba bine bubwejanga ku kyalwilo kikomokomo kine kyotukokeja kushimatyija’po lwitabijo lwetu.​—2Ko 13:1; Tet 1:2.

Le Yehova wāfikidije milao yandi namani mu mafuku a Yoshua? Abe ne kyobe kisaka, talai drame ya video ‘Kekudipo Kinenwa Nansha Kimo Kyabudilwe’ko.’ Kupwa bandaulai bino bipangujo: (1) Le ubwanya kwiula namani bilongwa bya lwitabijo bya Lehaba? (Bah 11:31; Yak 2:24-26) (2) Le kimfwa kya Akana kilombola namani amba kupela kukōkela ku kusaka kutwalanga ku musala? (3) Nansha bantu ba Ngibeone byobādi bankomokomo, mwanda waka bādimbile Yoshua ne kulonga ndoe na Isalela? (4) Le kinenwa kya Yehova kyāfikidile namani kitatyi kyāzakajibwe Isalela na balopwe batano ba bene Amole? (Yos 10:5-14) (5) Le Yehova ukukwashanga namani potūla Bulopwe ne boloke bwandi pa kifuko kibajinji mu būmi bobe?​—Mat 6:33.

Shi tulangulukila pa byonso bitulongele Yehova, bya witulongela ne byaketulongela, nabya lwitabijo lwetu mu milao yandi lukatamina’ko bininge.​—Lo 8:31, 32.