BŪMI BWA BENE KIDISHITU

Le Wi Mwiteakanye ku Makambakano a Kukoma kwa Misokwe?

Ketuteñwangapo bininge penda pakomena’ko myanda ya misokwe. Mwanda waka? Mwanda tudi mu mafuku menemene a mfulo, kadi Bible witudyumuna kuleka kutūla kikulupiji kyetu mu “bupeta kebwisumbidilwapo.” (1Tm 6:17; 2Tm 3:1) Le kimfwa kya Mulopwe Yehoshafata kitufundija bika mu mwanda utala kukoma kwa misokwe?

Yehoshafata wākulupile mudi Yehova pāmuzakeje mizo ya balwana nabo. (2Bi 20:9-12) Kadi wālongele bintu bipotoloke na kuteakanya muzo ne kukomeja bibundi na kutūla’ko basola ba bulwi. (2Bi 17:1, 2, 12, 13) Pamo bwa Yehoshafata, i biyampe kukulupila nyeke mudi Yehova ne kulonga bintu bitukwasha tushale nyeke bemanije mu bitatyi bikomo.

LE I BIKA BYOTUBWANYA KULONGA PA KWITEAKANYA MU MYANDA ITALA KUKOMA KWA MISOKWE?

Witeakanye ku mushipiditu: Ikala na mutyima wa kusangela bintu byodi nabyo ne kuningija kikulupiji kyobe mudi Yehova, amba ukavuija bisakibwa byobe bya difuku. (Mat 6:26; 1Tm 6:8) Sumininwa kuleka kutyumuna misoñanya ya mu Bible pa mwanda wa kuvuija bisakibwa byobe. (Lo 2:21) Teakanya byobwanya kulonga pa kupata byakudya bya ku mushipiditu shi kekudipo mudilo nansha Entelenete, ikala’ko na bitabo bitampe ne kadi shi bibwanika i biyampe kutentula mabuku etu kumeso kwa kitatyi.

Witeakanye ku ngitu: Tyepeja kusupakanya lupeto ku bintu byampikwa mvubu kumeso kwa kwikale kukoma kwa misokwe. (Nki 22:7) Shi bibwanika, bika’ko byakudya ne bintu bikwabo bya mvubu. Bamo bekalanga badima’ko kabudimi mwanda wa kulea’ko lupeto.

TALAI VIDEO, LE WI MWITEAKANYE KU BIMPENGELE? KUPWA LONDOLOLAI BINO BIPANGUJO:

Myanda ya mu video “Le Wi Mwiteakanye ku Bimpengele?” Bifwatulo bilombola Bible, kakivwe ka kunyema nako, telefone, ne ba mu mwingilo wa lūbako.

Le i bika byotubwanya kulonga pa kwiteakanya ku bimpengele?

Your answer

Myanda ya mu video “Le Wi Mwiteakanye ku Bimpengele?” Banabetu ba mu mwingilo utala bukwashi mu bitatyi bya bimpengele bakwasha ku lūbako ne kutūkija bintu mu mutoka.

Le i muswelo’ka otubwanya kwiteakanya mwanda wa kukwasha bantu bakwabo?

Your answer