7-13 KWEJI 10
ÑIMBO YA MITŌTO 92-95
Lwimbo 84 ne Milombelo | Binenwa bya Ñanjilo (Mun. 1)
1. Kwingidila Yehova Bo Būmi Buyampe Kutabuka!
(Min. 10)
Yehova i mufwaninwe butōtyi bwetu (Ñi 92:1, 4; w18.04 p. 26 mus. 5)
I mupe bantu bandi bujinguludi bwa pa bula (Ñi 92:5; w18.11 p. 20 mus. 8)
Umwene na bulēme boba bamwingidila enka ne pobanunupa (Ñi 92:12-15; w20.01 p. 19 mus. 18)
WIIPANGULE AMBA, ‘Lelo i kika kinengeja ndeke kwipāna kudi Yehova ne kubatyijibwa?’
2. Byabupeta bya ku Mushipiditu
(Min. 10)
Ñi 92:5—Le bino binenwa bilombola namani mwikadile tunangu twa Yehova? (cl p. 176 mus. 18)
Le i bya bupeta’ka bya ku mushipiditu byowasokwele mu butangi bwa Bible bwa uno yenga?
3. Butangi bwa Bible
(Min. 4) Ñi 94:1-23. (th kifundwa 5)
4. Mwa Kushilwila Mīsambo
(Min. 4) BUSAPUDI BWA KIPONKA NA PONKA. Kimba’ko mukenga wa kulombola muntu bitala mwingilo oingilanga wa kufundija bantu Bible. (lmd kifundwa 5 kakipindi 3)
5. Muswelo wa Kulondelela Kusangela
(Min. 3) BUSAPUDI BWA KIPONKA NA PONKA. Shilula kifundwa kya Bible na muntu usangedile wapelele’kyo mu mafuku apityile. (lmd kifundwa 8 kakipindi 4)
6. Mwa Kulongela Bana ba Bwanga
(Min. 5) Mwisambei na omwifundanga nandi Bible kalombolapo kwendelela. (lmd kifundwa 12 kakipindi 5)
Lwimbo 5
7. Kitatyi Kilēmenenwa Bankasampe na Kuzumbija Mutyima
(Min. 15) Kwisamba na Bevwaniki.
Boba bengidila Yehova nabo babwanya kuzumbija mutyima. Kimfwa, Davida wāzumbije mutyima mu bwandi būmi mu ngikadilo mishileshile, ne banabetu bavule dyalelo bazumbijanga mutyima. (Ñi 13:2; 139:23) Na kya bulanda, enka ne bankasampe bazumbijanga mutyima. Kitatyi kimo, kuzumbija mutyima kubwanya kwitulengeja tumone amba i bikomo kulonga bintu byotuloñanga difuku ne difuku, pamo bwa kwenda ku masomo ne kukatanwa ku kupwila. Kubwanya kwitulengeja twivwane moyo bininge nansha kwikala na milangwe ya kusaka kwiipaya.
A bankasampe, shi mubamone amba mubalēmenenwa na kuzumbija mutyima, lombolai’mo mbutwile wenu nansha muntu mutame. Ne kadi kemwakilwai kulomba Yehova emukwashe. (Fid 4:6) Nandi ukemukwasha. (Ñi 94:17-19; Isa 41:10) Talai Kimfwa kya Steing.
Talai VIDEO Yehova Wankwatakenye. Kupwa ipangula bevwaniki amba:
• Le i kisonekwa’ka kyakweshe Steing, ne mwanda waka?
• Le Yehova wamukwatakenye namani?
A bambutwile, mubwanya kukwasha benu bana balwe na kuzumbija mutyima na kwibateja na kitūkijetyima, kwibalombola buswe, ne kwibakwasha bakulupile amba Yehova wibasenswe. (Tet 2:4; Yak 1:19) Kulupilai amba Yehova ukemupa bukankamane ne bukomo bomusakilwa pa kukwasha benu bana.
Kyaba kimo ketubwanyapo kuyuka’mba muntu kampanda mu kipwilo uzumbijanga mutyima bininge, nansha kuyuka mwaeivwanina. Ino nansha nankyo, tubwanya kwibakwasha balwe na ino ngikadilo shitulengeja muntu ne muntu amone amba tumusenswe, ne kadi i mulēme kotudi.—Nki 12:25; Bah 10:24.
8. Kifundwa kya Bible kya Kipwilo
(Min. 30) bt shap. 16 mus. 6-9, kapango pa p. 132