19-25 KWEJI 5
NKINDI 14
Lwimbo 89 ne Milombelo | Binenwa bya Ñanjilo (Mun. 1)
1. Shi Kimpengele Kibalongeka Langulukila na Katentekeji pa Byolonga
(Min. 10)
Kokakulupila “binenwa byonso” byoivwana (Nki 14:15; w23.02 p. 23 mus. 10-12)
Kokakulupila’tu enka mwiivwanino obe nansha bwino bobe (Nki 14:12)
Kokateja boba bapela kulonda buludiki butamba ku bulongolodi bwa Yehova (Nki 14:7)
LANGULUKILA PA KINO KIPANGUJO: A bakulumpe, le mwi beteakanye kulonda bwendeji ne kukulupila mudi Yehova kitatyi kilongeka bimpengele?—w24.07 p. 5 mus. 11.
2. Byabupeta bya ku Mushipiditu
(Min. 10)
Nki 14:17—Le “muntu ulangulukila pa bintu i mushikibwe” mu buluji’ka? (it-2 p. 1094)
Le i byabupeta’ka bya ku mushipiditu byowasokwele mu butangi bwa Bible bwa uno yenga?
3. Butangi bwa Bible
(Min. 4) Nki 14:1-21. (th kifundwa 11)
4. Mwa Kushilwila Mīsambo
(Min. 3) BUSAPUDI BWA MU BANTU BAVULE. Lombola muntu uselele mutyima kūlu pa bitala myanda ya misokwe mwanda kampanda wa mu Bible. (lmd kifundwa 3 kakipindi 3)
5. Muswelo wa Kulondelela Kusangela
(Min. 4) KU NJIBO NE NJIBO. Pá muntu dipepala didi na mwanda wamusangeje mu mīsambo yapityile. (lmd kifundwa 9 kakipindi 4)
6. Mwa Kulongela Bana ba Bwanga
(Min. 5) Kankamika owifundanga nandi Bible atange Bible difuku ne difuku, ne kumulombola muswelo wa kufikila pa kino kitungo. (th kifundwa 19)
Lwimbo 126
7. Ikala Nyeke Mwiteakanye ku Kimpengele
(Min. 15) Kwisamba na Bevwaniki.
Kikapityijibwa na mukulumpe. Shi kudi ne bivulujo bitamba ku bilo ya musambo ne ku kitango kya bakulumpe, mubwanya kwisambila’po.
Byotudi mu “mafuku a mfulo,” tubwanya kutengela amba makambakano akavudila’ko. (2Tm 3:1) Palongeka kimpengele, bantu ba Yehova batambulanga bwendeji bupandija būmi pa kitatyi kifwaninwe. Shi tulombole kikōkeji na kwiteakanya tamba pano ku mushipiditu ne ku ngitu, bibwanya kuketupandija.—Nki 14:6, 8.
Witeakanye ku mushipiditu: Lumbulula bibidiji bya kutanga Bible ne kwifunda pa kasuku. Wiibidije na kusapula mu miswelo palapala ya busapudi. Kokeivwana bibi shi ubaikala mu kitatyi kampanda kulampe na kipwilo. (Nki 14:30) Vuluka’mba kudipo nansha dimo kulampe na Yehova Leza ne Yesu Kidishitu.—od p. 176 mus. 15-17
Witeakanye ku ngitu: Kutentekela pa masakoshi a kunyema nao, kisaka kyonso kifwaninwe kuteakanya’ko byakudya bibwanine, mema, malawa, ne bintu bikwabo bibwanya kukemukwasha kitatyi kyokemukabwanyapo kutamba ku mobo mu bula bwa kitatyi kilampe.—Nki 22:3; g17.5-F p. 4
Talai VIDEO, Le Wi Mwiteakanye ku Bimpengele? Kupwa ipangula bevwaniki amba:
Le Yehova ubwanya kwitukwasha namani palongeka kimpengele?
Le i bika byotubwanya kulonga pa kwiteakanya?
Le tubwanya kukwasha namani boba baponenwe na bimpengele?
8. Kifundwa kya Bible kya Kipwilo
(Min. 30) bt shap. 26 mus. 18-22, kapango pa p. 209