9-15 KWEJI 6
NKINDI 17
Lwimbo 157 ne Milombelo | Binenwa bya Ñanjilo (Mun. 1)
Ba mulume ne mukaji bene Isalela badya twakudya mu ndoe kadi basangale
1. Ikala na Ndoe mu Busongi Bobe
(Min. 10)
Bilomba bivule pa kulama ndoe, inoko shi wiilame ukamwena’mo (Nki 17:1; tala kifwatulo)
Kokaloba mwanda ke mwanda (Nki 17:9; g 9/14 p. 11 mus. 2)
Tādila mwiivwanino obe (Nki 17:14; w08 1/5 p. 10 mus. 6–11 mus. 1)
2. Byabupeta bya ku Mushipiditu
(Min. 10)
Nki 17:24—Le “meso a kivila alumbakananga kufika ne ku mfulo kwa ntanda” mu buluji’ka? (it-1 p. 790 mus. 2)
Le i byabupeta’ka bya ku mushipiditu byowasokwele mu butangi bwa Bible bwa uno yenga?
3. Butangi bwa Bible
(Min. 4) Nki 17:1-17. (th kifundwa 10)
4. Mwa Kushilwila Mīsambo
(Min. 3) BUSAPUDI BWA KIPONKA NA PONKA. (lmd kifundwa 3 kakipindi 5)
5. Mwa Kushilwila Mīsambo
(Min. 4) BUSAPUDI BWA MU BANTU BAVULE. Shilula kifundwa kya Bible. (lmd kifundwa 6 kakipindi 4)
6. Mwisambo
(Min. 5) ijwbv kishinte 60—Mutwe wa Mwanda: Le Nkindi 17:17 Ishintulula Bika? (th kifundwa 13)
Lwimbo 113
7. Ikala na Bibidiji Bilengeja Mīsambo Ikale Biyampe
(Min. 15) Kwisamba na Bevwaniki.
Mīsambo miyampe i kintu kikatampe bininge kituntwilanga ku nsangaji ya kisaka. Shi ba mu kisaka besamba patōkelela, babwanya kwingidila pamo ne kwikwatakanya umo ku mukwabo mu bitatyi bya makambakano. (Nki 15:22) Le i bika byomubwanya kulonga mwanda wa kulengeja mīsambo ikale biyampe mu kisaka?
Pityijai kitatyi pamo. (Kup 6:6, 7) Shi ba mu kisaka bengidila pamo, balongela pamo bintu bya ku mushipiditu, ne kukaila pamo, batamijanga buswe bobesenswe kadi bekulupilanga. Kupwa kadi, balengejanga kwikale mikenga ya kwisamba mīsambo isangaja. Kitatyi kimo bibwanya kukulomba uleke kulonga bintu byosakanga kulonga, mwanda wa kulonga bintu bisaka ba mu kyobe kisaka mulonge. Ino shi ulonge’byo, ukamwena’mo! (Fid 2:3, 4) Le i muswelo’ka omubwanya kwingidija biyampe kitatyi kyenu pomudi pamo?—Ef 5:15, 16.
Talai VIDEO, Mwa Kwikadila na Ndoe mu Kisaka—Mwisambei Biyampe. Kupwa ipangula bevwaniki amba:
Le mwingidijijo wa bingidilwa bya busendwe ubwanya kwikala na lupusa’ka pa mīsambo mu kisaka?
Le i bika bikwabo byowefunda mu ino video bitala mīsambo miyampe mu kisaka?
Ikala muntu uteja. (Yak 1:19) Bana bapēlelwanga kwisamba na bwanapabo shi bakulupīle amba bambutwile basa kuteja byobasa kunena kadi kebasapo kwibalobela. Nanshi longa bukomo bwa kuleka kuloba shi obe mwana wanena kintu kekikusangejepo. (Nki 17:27) Ino abe, witūle pa kyandi kyaba ne kumuteja. Tompa kwivwanija byalanga ne mwawiivwanina, mwanda wa ubwanye kumukwasha na buswe.
8. Kifundwa kya Bible kya Kipwilo
(Min. 30) bt shap. 27 mus. 19-22, kapango pa p. 212