Mwanda Waka Mwitelanga bu Batumoni ba Yehova?

Yehova dyo dijina dya kasuku dya Leza, monka modilombwedilwe mu Bible. (Divilu 6:3; Ñimbo ya Mitōto 83:18) Kamoni i muntu usapula myanda nansha bubine bwakulupile.

Nanshi, dijina Batumoni ba Yehova dituyukanyanga bu kisumpi kya bene Kidishitu basapula bubine padi Yehova, Umpangi wa bintu byonso. (Kusokwelwa 4:11) Tupānanga bukamoni bwetu kupityila ku muswelo otwikele mu būmi ne na kusapula byobya byotufundile mu Bible.—Isaya 43:10-12; 1 Petelo 2:12