Lelo Mwitabijanga Bipwilo Bikwabo?

Tulondanga madingi a mu Bible a ‘kulēmeka bantu ba miswelo yonso’—pampikwa kubanga nkulupilo yabo. (1 Petelo 2:17) Kimfwa, mu matanda amo mudi Batumoni ba Yehova tununu ne tununu. Nansha nankyo, ketukanenangapo ba lupusa nansha bajidiki ba bijila bakankaje nansha kwimika mingilo ya bipwilo bikwabo. Kadi ketukalombengapo ba lupusa batūle’ko bijila binīngila bantu bakwabo balonde mwiendelejo ne nkulupilo yetu. Inoko, tulēmekele bwanapabo bwa bakwetu, monka motusakila nabo betulēmekele bwetu.—Mateo 7:12.