Ntanda Idi mu Madilo—I Bika Byobwanya Kulonga?
Lelo umona’mba makambakano adi’ko mu ino ntanda dyalelo akususulanga bininge kupita mafuku kunyuma? Lelo wikondanga na ano makambakano ku kifuko koshikete?
mavita
bipupo bya misongo
bimpengele bya kipangila
bulanda
mboloji
bupolapola
Shi kubalongeka kintu kibi, bantu bavule bekalanga na kyaso ne kubulwa lukulupilo. Bantu bamo shi abatanwa na byamalwa, bakomenwanga bya kulonga. Inoko kitatyi kyotutanwa na kintu kibi, kwikala na kyaso mu kitatyi kilampe kwikalanga enka kubipijija’ko bintu.
Shi kubalongeka kintu kibi, ufwaninwe kulonga bukomo bwa kukinga bantu bosenswe, bukomo bobe bwa ngitu, misokwe yobe, ne nsangaji.
Le i bika byobwanya kulonga mwanda wa kutyepeja’ko bukomo bwa makambakano a mu ino ntanda podi?