Lwimbo 52

Dijina dya Tata Wetu

(Mateo 6:9)

1. Yehova, Tata wa mūlu,

Dijina dijidikwe;

Mpango yobe ifikile

Yonso’nka moswidile.

Kunekenya kobe, Leza,

Ko kukakutumbija.

Bantu bonso bakamona

Ntumbo yobe mikata.

(Kitundaijo)

2. Dijina dyobe dijile

Mu byonso byotulonga;

Tusapule ntumbo yobe

Ne mpango na kininga.

Tulombole lwitabijo,

Ne kukupa bulēme.

Abe Tata Mukatampe!

Bonso bakukōkele.

(Kitundaijo)

3. Yehova Leza Mfumwetu,

Mukatakata Mwine.

Kutupu kintu kya mvubu

Bwa kwimba ntumbo yobe.

Potutekuna ñembela,

I mu dijina dyobe.

Mwanda wi Leza wa mpango.

Ukeselwanga nyeke.

(KITUNDAIJO)

Yehova, Mulongi wetu,

Wi Umpangi wa byonso,

Wi Leza ukala mpango

Ne kufikidija’yo.

A Leza Mwinē Bukomo,

Wētupele Mwanobe,

Na Bulopwe, ukalonga

Kiswamutyima kyobe.