Lwimbo 95

Kipa kya Buyampe

(Ngalatea 5:22)

1. Yehova Mulopwe, Tata wa nyeke,

Abe ye buyampe bwine boloke.

Wātumine Mwana pa lobe lusa

Lukunkanga babi bāya kwisāsa.

2. Mu buyampe bobe, wētukūdile

Mu Babiloni motwādi bamunwe.

Buyampe bobe bwitupanga mwinya

Wa kushiyañanya bibi ne biya.

3. Twifwanei Leza pa kipa kino.

Twikale bayampe, belunge pamo.

Twikalei batōka, bantu ba buntu,

Tulondei Yehova ne Kidishitu.

4. Bitamija kino kipa i bika?

Kulomba, kwifunda ne kusapula;

Ketwakīlwai’ko kubungakana;

Buno bo buyampe busaka Leza.