Lwimbo 96
Tutumbijei Yehova, Tata Wetu
1. Leza, byopangile byonso
Bimbanga ntumbo yobe!
Abe wi nsulo ya byonso.
Ntumbo yonso i yobe.
Kodi kutamba byabuntu
Ne dyese dyonsololo.
Kalā, wālaile bintu
Byotwimwena dyalelo.
Yesu pakubutulwa’ye
Mikeulu yāimba.
Būmi bwandi bukūdile
Bantu bakutendela.
2. Yesu wāvuile byonso
Mu mwingilo ujila,
Wānekenya ntanda yonso,
Netu twāpandijibwa.
Kadi pano pabikele,
Ulama mbila yobe.
Usapula mpango yobe
Ku mizo yonso nyeke.
Batwe bantu bobe, Leza,
Tusepelelanga’mba:
“Yehova ukapwijanga
Masusu ne bulanda!”
3. Mwene netu tukwimbile,
Tupāne būmi kodi?
Yehova tukusangaje,
Twingile na nsangaji!
Dijina dyobe dijila
Tukedizunzulanga.
Buswe ne kupyasakana
Kwetu tukebilama.
Leza tulamete kodi
Ne ku mwingilo obe.
Dijina dyobe, Umpangi,
Tukalēmeka nyeke.