Lwimbo 128

Longa Bivule—Mwālongele Bene Nazila

(Umbadilo 6:8)

1. Bene Nazila—i bajila.

Twikalei bwa abo.

Bāpandwilwe ke ba Yehova,

Ba kwingila mingilo.

Kitatyi byokyapwa kutyepa,

Ne batwe twibandaule.

Twikale bapyasakane,

Basapula nyeke.

2. Bene Nazila—būmi bwabo

Bwādi bwa kwisuminwa.

Bādi balamete Yehova.

Le ye motulongela?

Mpiko yabo yādi ijila

Kadi ya kwijiba bimo.

Ne banabetu bavule

Bekele bwa abo.

3. Bene Nazila—ba pa kala

Bādi na kiyukeno.

Kikōkeji kyabo kwa Leza

Kyo kyādi na kamweno.

Netu twingidile Yehova,

Tumukōkelei nyeke;

Penepo uketwesela

Ne kwitupa ndoe.

4. Bene Nazila—bādi nyeke

Bālamine buujila.

Netu shi twikale bajila,

Leza uketwesela.

Tushikatei tupikule,

Tukulupile Yehova.

Tukapalwa shi twingile

Nyeke na kininga.