Lwimbo 181
Imba Netu Lwimbo lwa Bulopwe!
1. Luno lwimbo i lwa bushindañani
Lutumbija Mukatampe Mwine.
Lupānanga lukulupilo; nanshi
Imba netu lwimbo lwa Bulopwe:
‘Wabikala; sepelelai.
Diulu, ntanda sangalai.’
Lwimbo lupya lunena’mba Mukūdi
Wābikikwa, bonso bakōkele.
2. Lwimbo lupya lusapula Bulopwe.
Yesu wābikala ntanda yonso.
Mwanā Leza wābikele bidi pa
Muzo wābutwilwe dyuba dimo!
‘Fukatyilai Leza Shandi,
Sapulai ntumbo yandi!
Iyai bonso mwifunde luno lwimbo,
Tōtai Leza, mukapalwa mpalo.’
3. Luno lwimbo lwimbwa na betyepeje.
Binenwa byalo bikankamika.
Panshi ponso, kibumbo kikatampe
Kitanga bantu ba kwiya kwimba:
‘Tōta Leza. Mutendele,
Wanekenya lufu nyeke.’
Imba pamo netu ntumbo ya Leza.
Luno lwimbo lumusangajanga.