Lwimbo 220

Paladisa Yetu: Ya Pano ne Ikāya’ko

(2 Kodinda 12:4)

1. Leza wetupe Paladisa

Ya ku mushipiditu.

Motufundanga, tukwashibwa

Twikale batunangu.

Wafwa’ko pa mwanda

Witweselanga,

Witupa ndoe pa

Kukwingidila!

Buswe bwetu kodi ne bantu

Kyo kijimba kikata.

Kituluñanga mu mingilo

Kutyina twakapona.

2. Ubape ne Yesu Mwanobe

Buludiki boloke.

Wabikala pa bintu byonso,

Udi ku lundyo lobe.

Wafwa’ko, Yehova,

Ubasokola

Mpango yakwanwa ya

Kukonga bana.

Busapudi ne mwikadilo

Wetu bikwatañane

Kutyina’mba twakakukaja

Mikōko yotupelwe!

3. Yehova pakafula bulwi

Bobe bukomokomo,

Ne Satana ne bademona

Bakelwa mu lupongo.

Bengidi boloke

Bāfwile kala

Bakasangulwanga

Mu Paladisa.

Bakakwasha bantu na

Yesu Kitobo Mukatampe,

Bafike pa bubwaninine

Ne pa būmi bwa nyeke.