“Ufundija . . . Ne Kusapula Myanda Miyampe”

Yesu wādi Sendwe wa mbao, muntu ulonga bingelengele, muñanga, kadi wādi ne na bukomo bwa kulonga bintu bikwabo bivule. Bantu kebādipo bamwityila pa bino bitenta. Inoko bādi bamwitanga bu Mufundiji. Bine, mu būmi bwandi wādi “Ufundija . . . ne kusapula myanda miyampe.” (Mateo 4:23) Batwe balondi ba Yesu, tudi na mwingilo umo onka. Mu kino kipindi, tusa kwifunda’mo kimfwa kyandi kitulombola mwa kwingidila uno mwingilo.