Bātejeje Satana​—Byāfula Kwepi?

Ba Adama ne Eva kebākōkelepo Leza, o mwanda bāfwile. Ngalwilo 3:6, 23

Eva wātejeje nyoka ne kudya’ko kipa kya ku mutyi. Kupwa, wāpa’ko ne Adama, nandi wādya.

Bine bālongele bibi​—buno bwādi bubi. Leza wēbafundwile mu Paladisa, kīkalo kyabo.

Būmi bwēbakomena ne babo bana bene. Bānunupa ne kufwa bāfwa. Kebāendelepo mu ntanda ya mishipiditu; ino kebakidi’kopo.

Boba bafwile badi pamo bwa biloba byambulwa būmi. Ngalwilo 3:19

Tufwanga mwanda batwe bonso twi batambe kudi ba Adama ne Eva. Bafwe kebamonangapo, kwivwana nansha kulonga kintu.​—Musapudi 9:5, 10.

Yehova kādipo usakila bantu kufwa. Panopano ponka usa kwaluja ku būmi boba balēle mu lufu. Shi bamuteje, bakekala na būmi bwa nyeke.