Ntwelelo ya Kipindi 1

Bible ushilula na mānga ya bupangi, witukwasha tumone bintu bilumbuluke byāpangile Yehova, bya mūlu ne bya pano panshi. Shi wi mbutwile, kwasha obe mwana amone kwishila kusangaja kwishidile bipangwa. Mulombole amone amba Leza wāpangile bantu bapite’ko banyema, i mwitupe bukomo bwa kunena, bwa kulanga, bwa kupunga bintu, bwa kwimba, ne bwa kulombela. Mukwashe asangele bukomo ne tunangu twa Yehova nakampata buswe bwasenswe bipangwa byandi byonso—kubadila’mo ne batwe bonso umo ne umo.