Bana-Bakaji Bakōkele, Bakaka Bene Kidishitu

1. Sala, Eseta, Madia, ne Luta—

Bādi bana-bakaji bakōkele,

Bakaji bene Leza, ne bepāne.

Abo ne bakwabo botuyukile

I ba bulēme kudi Yehova;

Lwitabijo lwabo bine i lulēme.

2. Kikōkeji, buswe, kanye, buyampe—

I ngikadila yabilwa na bonso.

Ino abo bālamine’yo yonso.

Bine bino i bimfwa bisangaja,

Bilondwa na bakaka dyalelo,

Bimfwa byotubwanya ne batwe kwiula.

3. Balolo, bana, bakaka, bakaji,

Ne bishala, bengila na nsangaji.

Mwi ba butūkanye ne kikōkeji.

Leza wimuswele, kulupilai,

A bakaka, Leza emulame.

Bine mpalo yenu keidi pabwipi.