‘Mwasubije Kipandulwe Kyami’​—Butōtyi Butōka Bubasubijibwa

Yehova wādi usenswe bene Isalela ne kwibata mutyima bu kyandi “kintu kya bulēme.” (Div. 19:5, kunshi kwa dyani) Inoko abo bāsanshija Yehova na kutōta baleza ba bubela enka ne mu tempelo yādi itelelwa’po dijina dyandi! Bātyumwine Yehova mutyima ne kumufutulwija. Mwanda waka Isalela wēsubije namino? I bufundiji’ka botwifunda ku bupolofeto bwa Ezekyele butala konakanibwa kwa Yelusalema? Ne i ñeni’ka yotubwanya kuboila ku muswelo wādi Isalela na mizo yādi ibajokolokele?