Myanda Iboila’ko Bevwaniki Ñeni

1 Kodinda 9:19-23

MU KĪPI: Kwasha bevwaniki bobe balanguluke, wibakwashe bamone’mba abefunde kintu kya mvubu.

MWA KULONGELA:

• Tá mutyima ku biyukile kala bevwaniki bobe. Pa kyaba kya kupituluka’tu mu bintu byokebadi kala bevwane, wibakwashe bamone mwisambo na mumweno mupya.

• Longa bukimbi ne kulanguluka. Shi bibwanika, elekeja milangwe mikatampe na kutela myanda keiyukenepo bininge nansha binkumenkume bya panopano. Langulukila bininge pa myanda ne pa mukwatañenine myanda’ya na myanda yosaka kufundija.

• Lombola mvubu ya musapu obe. Shintulwila bevwaniki bobe muswelo ubwanya kwibakwasha myanda ya mu Bisonekwa mu būmi bwabo bwa difuku ne difuku. Wisambile pa myanda mipotoloke, pa mwikadilo, ne pa bilongwa bya kamweno ku bevwaniki bobe.