BIPANGUJO BYA MU BIBLE BILONDOLWELWE

Le Dyabola Wātambile Kwepi?

Leza kāpangilepo Dyabola. Ino Leza wāpangile mwikeulu wāikele mwenda mafuku ke Dyabola, uyukene ne bu Satana. Yesu wālombwele’mba kyaba kimo Dyabola wādi wabinebine kadi wambulwa mambo. Ku ngalwilo, Dyabola wādi mwikeulu moloke mwanā Leza.—Tanga Yoano 8:44.

Le Mwikeulu wāikele namani ke Dyabola?

Mwikeulu wāikele ke Dyabola, wātongele kutombokela Leza ne kutonona ba mulume ne mukaji babajinji belunge kwadi. Mu uno muswelo, welonga aye mwine ke Satana, ko kunena’mba “Kinkwa.”—Tanga Ngalwilo 3:1-5; Kusokwelwa 12:9.

Pamo’nka na bipangwa bikwabo bya Leza bya ñeni, mwikeulu wāikele ke Dyabola wādi na bwanapabo bwa kutonga kulonga kiyampe nansha kibi, ino wātamije mutyima wa kusaka kutōtwa. Wātādilwe na mutyima wa kusaka ntumbo kupita’ko mutyima wa kusangaja Leza.—Tanga Mateo 4:8, 9; Yakoba 1:13, 14.

Le Dyabola wendelelanga kusomanya bantu namani? Le tufwaninwe kumutyina? Ubwanya kutana malondololo a bino bipangujo mu Bible.