MALONDOLOLO KU BIPANGUJO BIMANINE PA BIBLE
Le lufu lwa Yesu ludi na kamweno’ka kotudi?
Leza paāpangile bantu wādi usaka bekale bōmi nyeke pano pa ntanda pakubulwa masusu, misongo ne lufu. Inoko, muntu umbajinji Adama pa kutombokela Umpangi, wājimije kyepelo kya būmi bwa nyeke. Byotudi bana ba Adama, netu twāpyene lufu kwadi. (Loma 5:8, 12; 6:23) Leza wa bine Yehova, wātumine wandi Mwana Yesu pano pa ntanda mwanda wa afwe ne kukūla kyokya kyājimije Adama.—Tanga Yoano 3:16.
Yesu wāfwile mwanda wa bantu bekale na būmi bwa nyeke. Le i muswelo’ka obwanya kulangulukila pa būmi bwampikwa mfulo pano pa ntanda?
Lufu lwa Yesu i lulengeje kulekelwa kwa bubi bwetu ne kwituletela būmi bwampikwa mfulo. Bible witulombola mukekadila būmi pano pa ntanda, kitatyi kyoketukasusulwapo monka na bununu, misongo, ne lufu.—Tanga Isaya 25:8; 33:24; Kusokwelwa 21:4, 5.
I muswelo’ka otufwaninwe kuvuluka lufu lwa Yesu?
Bufuku bulondakana na dyaāfwile, Yesu wālombwele balondi bandi bavuluke lufu lwandi kupityila ku byelekejo. Kuvuluka lufu lwa Yesu uno muswelo mwaka ne mwaka kwitulengejanga tuvuluke monka buswe busenswe Yesu ne Yehova muzo wa muntu.—Tanga Luka 22:19, 20; 1 Yoano 4:9, 10.
Uno mwaka, Kivulukilo kya lufu lwa Yesu kisa kulongwa Dya Mwanzo mafuku 14, Kweji 4, kupwa kwa kupona kwa dyuba. Tubakwite wiye utanwe’ko na Batumoni ba Yehova ba mu kyenu kibundi.—Tanga Loma 1:11, 12.