Le Ulanga’po Namani?

Lelo Bible ubwanya kukukwasha wikale mulunda na Leza?

BAMO BAKULUPILE AMBA . . .

kebabwanyapo kwikala balunda na Leza mwanda bemonanga bu ba disubi nansha bu ba bubi. Bakwabo banenanga’mba Leza ketutelepo mutyima. Le ulanga’po namani?

BINENA BIBLE

Leza ulamīne “bantu boloke bwandi bulunda.” (Nkindi 3:32, Bisonekwa Bitokele) Shi tukōkele Leza, nabya tukekala balunda nandi.

LE I BIKA BIKWABO BYOTWIFUNDA MU BIBLE?

• Leza usakanga ekale Mulunda netu.​—Yakoba 4:8.

• Leza byadi Mulunda netu, udi na mutyima wa kwitukwasha ne kwitulekela.​—Ñimbo ya Mitōto 86:5.

• Balunda na Leza basenswe byobya byasenswe ne kushikwa byobya byashikilwe.​—Loma 12:9.