Watchtower KIBĪKO PA ENTELENETE
Watchtower
KIBĪKO PA ENTELENETE
Kiluba
Ā
  • Ā
  • ā
  • Ē
  • ē
  • Ī
  • ī
  • Ō
  • ō
  • Ū
  • ū
  • Á
  • á
  • É
  • é
  • Ó
  • ó
  • Ñ
  • ñ
  • BIBLE
  • BILUPWILWE
  • KUPWILA
  • km 4/01 p. 4
  • Bukundwe Bulēmekejanga Leza

Pano i patupu video

Yō, bibakoma kupūtula video.

  • Bukundwe Bulēmekejanga Leza
  • Mwingilo Wetu wa Bulopwe—2001
  • Myanda Iifwene Nayo
  • Leza Uswele Butōki
    ‘Mwilamei mu Buswe bwa Leza’
  • Butōki—Lelo Bine Bushintulula Bika?
    Kiteba kya Mulami Kisapula Bulopwe bwa Yehova—2002
  • Butōki—Lelo Budi na Mvubu’ka?
    Kiteba kya Mulami Kisapula Bulopwe bwa Yehova—2002
  • Yehova Usenswe Bantu ba Bukundwe
    Kabuku ka ku Kupwila—Būmi ne Mwingilo Wetu wa Bwine Kidishitu—2019
Tala Bikwabo
Mwingilo Wetu wa Bulopwe—2001
km 4/01 p. 4

Bukundwe Bulēmekejanga Leza

1 Mu Mukanda wa Bijila wa Mosesa mwādi misoñanya ya lupusa yādi ilomba bukundwe. Yādi ikadija bene Isalela bu bantu ba pa bula, bantu bādi bafwaninwe kushala nyeke bajila ku ngitu ne ku mushipiditu. (Levi 11:​35, 36; 15:​1-11; Is. 52:11) Bukundwe bwādi bulēmekeja Leza kadi bwādi butantyija bukomo bwa ngitu bwa muzo.

2 Dyalelo nadyo bukundwe i kayukeno kayukilwa’po bengidi ba Yehova. Ino shi bukundwe bwituyukanyanga batwe bonso kya pamo, lelo buyukanyanga ne umo ne umo wa umbukata mwetu? Kuta mutyima kwetu ku ndudi ne ku bukundwe kulombola amba tudi na mutyima wa kusaka kulonda misoñanya ya Yehova.

3 Le kisaka kyetu kidi namani mu uno mwanda? Lelo kifutulwijanga musapu wa Bulopwe otusapula? Mwene bantu bamo bakokeja kwitumona amba ketudipo na bubinebine shi tunena amba ntanda ikalamukanga ke paladisa, aku njibo yetu na busala ne lubanza lwetu luyule’mo biyombo bā? Shi yetu njibo keikwatakanibwapo biyampe, shi mudi luvumba lubi lulupuka’mo pa mwanda wa busala, lelo tukokeja kunena’mba tuletanga ‘kifwa kilumbuluke kya bukundwe bukekala mu ntanda impya ikaludikwa na Bulopwe bwa Leza?’​—⁠om-F p. 129-131.

4 Ino lelo motoka (ku boba badi nao) nansha nkinga byotwingidijanga mu busapudi bidi namani? Lelo i bidyangulwe biyampe panja ne munda kutyina’mba byakafutulwija mwingilo otwingila? Le bivwalwa bwetu, sakoshi wetu ne mwitendelo nansha mubandilo wetu wa nywene nabyo bidi namani? Lelo bimwekanga senene ku meso a bantu ne kebifityijangapo muntu nansha umo mutyima? Mokyendele, pa kwikala nyeke na bukundwe tufwaninwe kōya ne kukenda bivwalwa byetu kitatyi ne kitatyi.​—⁠w89-F 1/6 p. 16-19.

5 I kika kyotukalonga shi mwanetu upēlulanga bukundwe bwa yandi ngitu nansha bwa kisaka kyandi kufika ne ku kufutulwija kipwilo? Padi kifwaninwe kumukwasha na buswe kukwatañana na myaka yandi nansha na makambakano kampanda adi nabo. Kulonga uno muswelo i kulombola kotulombola mutyima wetu muyampe. Muntu kampanda ukokeja kwipēlula pakubulwa nansha kwiyuka aye mwine; ino madingi akamupebwa na kitūkije-tyima akokeja kumukwasha ālamune ngikadilo yandi. Boba kebaletapo kifwa kilumbuluke mu uno mwanda kebabwenyepo bisakibwa bya kupebwa madyese makatampe mu kipwilo. Inoko bakulumpe bafwaninwe kutadija kutyina’mba bakaningila bakwabo kulonda mbila yabo nansha masakila a abo bene.

6 Bantu basangelanga bubinebine panopano betwanga kwiya kudya masobo a ku mushipiditu mu Njibo ya Bulopwe. Mungya buluji, twibetanga na nsangaji mwanda njibo i milumbuluke kadi midyangulwe. Ino tufwaninwe kulonga bukomo mwanda wa ishale nyeke mu uno muswelo. Tutalei kufulakufula. Bityi, panshi ne lubumbu lelo bidi senene? Lelo mu misalani mukombwanga kitatyi ne kitatyi? Shi ketudi bebidile kala kumona bina bina panshi mu njibo ya Bulopwe ne lubumbu lutotoketotoke swakala tukanza kwibimona bu biyampe. Ino bantu bāya musunsa wabo umbajinji ku Njibo ya Bulopwe bakokeja kwibimona bibi. O mwanda tufwaninwe kulonga bukomo bwetu bonso Njibo ya Bulopwe ikale nyeke milumbuluke ne isangaja, na kukomba na bakomba nansha balongolola’yo shi ke kyetu kyaba kya kwingila.

7 Pakubulwa nansha kunena kintu, tukokeja kutumbija Leza na mumwekelo wetu ne na bukundwe bwa kisaka kyetu, bwa nkinga nansha motoka ne bwa Njibo yetu ya Bulopwe. Kifwa kyetu kilumbuluke kekikakukajapo nansha dimo, ino kikapāna bukamoni bwa buujila ne boloke bwa mutōtelo wetu.​—⁠1 Kod. 10:​31, 32; Yak. 1:27.

    Mabuku a mu Kiluba (1993-2025)
    Tamba
    Twela
    • Kiluba
    • Tumina
    • Byosaka
    • Copyright © 2025 Watch Tower Bible and Tract Society of Pennsylvania
    • Bijila bya Mwingidijijo
    • Bitala Myanda Mifyame
    • Mwa Kujadikila Myanda Mifyame
    • JW.ORG
    • Twela
    Tumina