Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 12

“Mu kino kitatyi kya mwaka, bantu bavule bavulukanga Yesu Kidishitu, boba bamwitabije ne kebamwitabije bene. Bamo banenanga amba Yesu kādi’kopo. Ino abe ulanga’po namani? [Shi wapu kulondolola, tanga Mateo 16:​15, 16.] Nkulupile amba usa kusangala pa kutanga kino kishinte kisambila padi ‘Yesu wabine’ ne muswelo wadi na mvubu kodi dyalelo ne mu mafuku āya kumeso.”

Réveillez-vous ! 22 Kweji 12

“Lelo nobe uyukile amba pa kwikala na būmi bwa mutyima-ntenke, kilomba twikale na bidibwa bilumbuluke ne na kibīko kya byakudya kebidi mpwilo? [Muleke akulondolole.] Teja mulao wālaile Leza ku bantu bandi mu myaka isekunwinwe mu Bible. [Tanga Levi 26:​4, 5.] Uno Réveillez-vous ! wisambila pa mitompwe itompola bantu dyalelo pangala pa bidibwa. Kadi ulombola ne kitatyi kikaleta Leza mutyima-ntenke ntanda yonso.”

Kiteba kya Mulami 1 Kweji 1

“Lelo wiipangulanga mwanda waka bamo i bafukije ku makasa ino bakwabo bakamba pa kumona twa kwikwasha nato? Bible i mwisambile pa uno mwanda. [Tanga Yoba 34:19.] Leza udi na mutyima wa kupwija kuno kwishila kwishidile bantu, aba bapika aba nabo bana, dino dipepala dishintulula mwakapwijija’ko.”

Réveillez-vous ! 8 Kweji 1

“Batwe bonso twaivwene bantu banena pangala pa kino kinzengele kilengele myanda mivule pano pa ntanda ponso. Tamba kilongeka, kudi mwingilo mukatampe wa kwingila pa kusenga ne kukwasha bantu baponenwe na kino kimpengele. Uno julunale ulombola byalongele Batumoni ba Yehova mwanda wa kukwasha bapandile’ko, bisumpi bya bukwashi ne bantu bafwidilwe babo.”