Kuvuluka bya Kuteakanya pa Kivulukilo

Kivulukilo kya uno mwaka kikaponena mu Dya Busatu mafuku 16 Kweji 4. Bakulumpe mufwaninwe kuta mutyima ku myanda ilonda’ko ino:

◼ Shi kemutunga kitatyi kya kupwila, tai’ko mutyima, kutyina amba byelekejo byakapityijibwa dyuba kedyaponene.

◼ Bantu bonso, ne muneni mwine, bafwaninwe kuyuka senene kitatyi ne kifuko kukalongelwa Kivulukilo.

◼ Teakanyai mukate ne vinyu biyampe shē, kadi kumeso kwa kitatyi.​—Tala Kiteba kya Mulami kya 1 Kweji 1, 1986, paje 17.

◼ Masani, bilaudi, meza mayampe ne kisandi kya kupūta’po bifwaninwe kuselelwa ku njibo kukapwidilwa ne kwibyala kumeso kwa kitatyi.

◼ Mufwaninwe kukundula senene kumeso kwa kitatyi Njibo ya Bulopwe nansha kifuko kikwabo kyomukapwidila’ko.

◼ Banabetu batundaila bāya ne boba bakapityija byelekejo bafwaninwe kutongwa, ne kufundijibwa kumeso kwa kitatyi mingilo yabo ne ndudi ya mwa kwiingidila biyampe, ne kwibalombola kuvwala ne kwidyangula bya bulēme senene.

◼ Mufwaninwe kukwata mpangiko ya kukapityija byelekejo kudi mushingwe māni ye-yense ukolejibwe, ukomenwe kufika ku kupwila.

◼ Shi kudi bipwilo bivule bingidijanga Njibo ya Bulopwe imo, i biyampe bikale kumvwañana kutyina amba kwakekala kwityinya mu pitapita, pa ntwelelo, mu bimama mupita bonso ne pa nshīko. Kokwa kobibwanika, i biyampe kushiya’ko minite 45 pa bukata bwa kupwila na kupwila kukwabo.