Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 8

“Bantu bavule basakanga kunenenwa biyampe. Bakwabo beipangulanga shi bakavulukwa abo kebapwe kufwa. Lelo nobe ulangilanga pa uno mwanda? [Muleke akulondolole. Kupwa tanga Musapudi 7:1.] Kino Kiteba kya Mulami kisambila pa muswelo otukokeja kwilongela dijina diyampe ku bantu ne kudi Leza.”

Réveillez-vous ! 22 Kweji 8

“Shi abe nansha umo wa mu kyenu kisaka ususulwanga, nabya uyukile mobiletelanga mutyima kupepa. [Muleke akulondolole.] Uno nimelo wa Réveillez-vous ! uleta madingi mayampe ku boba bamweshibwa malwa. Kadi wisambila ne pa mulao wa Leza utala pa kitatyi kikekala būmi bwampikwa myanda ya uno muswelo.” Tanga Mika 4:4.

Kiteba kya Mulami 1 Kweji 9

“Bantu bavule bamonanga’mba bipwilo pala pala bidi’mo bantu i mashinda bitupu meshileshile ebatwala kuntu kumo konka. Bakwabo nabo betabije’mba kudi enka butōtyi bumo kete bwabine. Le nobe wiipangulanga kino? [Muleke akulondolole.] Dino dipepala dibandaula lukindi lumo lwa pa kala luleta kitōkeji pa uno mwanda.” Lombola myanda mikatampe idi mu Mateo 13:24-30.

Réveillez-vous ! 8 Kweji 9

“Kupupa bisela kubatādila būmi bwa bantu bavule dyalelo. Bamo bamona’mba kudi katyitya kapite kipimo mu muvwadilo wa bantu ne mumwekelo wabo. Le nobe ulanga’po namani? [Muleke akulondolole.] Uno Réveillez-vous ! ulombola mumweno mwendele’mo wa mwakumwena myondele ya bivwalwa.” Tanga Kolose 3:12.